Seversk (Tomskan agj)


Seversk (ven.: Се́верск) om Venäman sauptud lidn da lidnümbrik Tomskan agjan suvipäivnouzmas. Se om agjan kahtenz' surtte lidn, Tomskan lodehline ezilidn, Rosatom:an kaikiš suremb SATÜ eläjiden lugun mödhe.

Seversk
Северск
 Lidnanznam
 Flag
Valdkund Venäma
Eläjiden lugu (2021) 106,648 ristitud
Pind 18 km²
Seversk Северск
Pämez' Grigorii Šamin
(reduku 2010—)
Telefonkod +7−3823-xxx-xxx
Avtokod 70
Aigvö UTC+7 (MSK+4)

Istorii vajehta

Eländpunktan aluz om pandud vl 1949 kuti Počtkonor' nomer 5 sauvomha uranan da plutonijan küllästamižfabrikad. Kävutihe türmatud mehiden töid. Vl 1954 žilo sai lidnan statusad nügüdläiženke nimenke, no Tomsk-7 oli oficialižikš vhesai 1989.

Seversk šingotase Sibirin himižel kombinatal, kogoneb nelläs tegimespäi. Sadas poltust atomstancijoiden täht i raketoiden südäimen täht, ut produkcijad (radioaktivižed substancijad i stabiližed izotopad). Toižed sarakod: sömtegimišt (maidtegim i leibtegim), stökoltegesiden pästand südäimeta Samus'-žilos, laivansauvomižen tegim, kabelän pästand[1], elektrojagamižapparaturan tehmine.

Geografijan andmused vajehta

Lidn sijadase Tom'-jogen oiktal randal (Obin bassein da oiged randpol'), 90 m ü.m.t. keskmäižel korktusel. Tomsk-lidnan röun om 3,5 kilometras suvipäivnouzmha Severskan röunaspäi, voib sadas avtotel vai Tomin ülezjogen. Kuz' kontrol'punktad om aidos, sidä kesken koume Tomin randirdal. Lähembaine raudtestancii passažiroiden täht om Tomsk-II 8,5 kilometras.

Kaik kaks' žilod da koume pen't küläd mülüdas lidnümbrikho Severskan ližaks, ned ei olgoi sauptud lidnan erineden. Lidnümbrikon pind — 485,65 km².

Eläjad vajehta

Vn 2010 Venäman rahvahanlugemižen mödhe lidnan eläjiden lugu oli 108 590 ristitud, lidnümbrikon — 115 331 ristitud. Kaikiš suremb lidnan ristitišt oli 119 500 eläjad vl 2001. Vl 2018 kaik 107 494 ristitud elihe lidnas i 113 847 ristitud kaikes lidnümbrikos.

Ortodoksižen hristanuskondan Jumalanmaman Vladimiran jumalaižen jumalanpert'[2] om saudud lidnas vll 1994−2000.

Severskan tegimištoline kolledž[3] i MIFI-universitetan filial oma lidnan professionaližen opendusen aluzkundoikš.

Galerei vajehta

Homaičendad vajehta

  1. Kabeläntegimen sait (severskcable.ru). (ven.)
  2. Severskan pühäpertid sobory.ru-saital. (ven.)
  3. Severskan tegimištoližen kolledžan sait (spospk.ru). (ven.)

Irdkosketused vajehta



Tomskan agjan lidnad
Asino | Kedrovii | Kolpaševo | Seversk | Streževoi | Tomsk