Savonlidn
Savonlidn (suom.: Savonlinna [ˈsɑʋonˈlinnɑ], roč.: Nyslott) om lidn Suomenman suvipäivnouzmas. Se om valdkundan 34nz' lidn eläjiden lugun mödhe, mülüb Suvisavo-agjaha.
Lidnanznam | |
Valdkund | Suomenma |
Eläjiden lugu (2019-08-31) | 33,272 ristitud |
Pind | 3,597,70 km² |
Pämez' | Janne Laine (2006—) |
Telefonkod | +358-(0)15 |
Aigvö | tal'vel UTC+2, kezal UTC+3 |
Istorii vajehta
Eländpunktan aluz om pandud vl 1475 kuti Ročinman Nyslott-lidnuz («uz' lidnuz») da žilo senno. Vspäi 1534 lidnuz oli Savo-provincijan keskuz. Vl 1639 žilo sai lidnan statusad. Vspäi 1743 oli Venäman imperijan Viipurin guberijan palaks.
Suomen nimituz kändihe oficialižeks ripmatomuden sandan jäl'ghe vl 1917. Lidnusen nimituz om nügüd' Olavinlinna (roč.: Olofsborg). Nened kundad oliba mülütadud Savonlidnan alištushe: Sääminki (1973), Savonrand (suom. Savonranta, 2009), Kerimäki i Punkaharju (2013).
Savonlidn šingotase pun ümbriradmižel, transportan edheotandoil, veimetomiden kaičendsistemiden tegimel (vspäi 2019), turizmal.
Geografijan andmused vajehta
Lidn sijadase agjan päivnouzmas, Saimaa-järven i sen laivten randal, pol'tel Mikoišpäi Jogensuhu. Matkad Hel'sinkihesai om 284 km suvipäivlaskmha orhal, 333 km avtotel Mikoin i Lahten kal't, 400 km raudtedme Kouvolan kal't. Agjan Mikoi-keskuz om 86 km päivlaskmha-suvipäivlaskmha orhal vai 103 km avtotedme.
Vl 2019 lidnan ühthine pind oli 3 597,70 km², sidä kesken kuivma — 2 238,09 km², sokaz ma oti koumandest (1 359,61 km²).
Savonlidn jagase 35 nimitadud rajonaks-küläks, kaik 97 küläd alištudas lidnankundan tobmudele.
Eläjad vajehta
Vl 1980 ristitišt oli 41 053 eläjad. Kaikiš suremb eläjiden lugu oli 41 426 ristitud vl 1995.
Mamankelen mödhe (2016): suomen kel' — 96,3%, ročin kel' — 0,1%, toižed keled — 3,6%.
Galerei vajehta
-
Lidnan ohjastusen üks' pertišpäi (2008)
-
Lidnan lüteranine päjumalanpert' (2006)
-
UPM-kompanijan fanerantegim (2011)
-
Olavinlinna-lidnuz
-
Lusto — Suomen mecan muzei
Homaičendad vajehta
Irdkosketused vajehta
- Lidnan oficialine sait (savonlinna.fi). (suom.) (angl.) (roč.) (saks.) (ven.)
Savonlidn Vikiaitas |