Raseborg

Raseborg (mugažo ročin kelel, virktas [ˈrɑːseˌborj]; suom.: Raasepori [ˈrɑːseˌpori]) om Suomenman lidn valdkundan suvipäivlaskmaižel randal. Mülüb Udenma-agjaha, valdkundan 39. municipalitet eläjiden lugun mödhe.

Raseborg (veps. i roč.)
Raasepori (suom.)

Lidnanznam	Flag
Valdkund	Suomenma
Eläjiden lugu (2024)	27,117 ristitud
Pind	2,354,22 km²
Pämez'	Petra Teman (sügüz' 2022—, Petra Theman)
Telefonkod	+358-
Aigvö	tal'vel UTC+2, kezal UTC+3

Lidnankundan sijaduz agjas i valdkundas (2020)

Istorii

Suomen metallurgijan ezmäižed edheotandad radoiba Pohj-lahten randoil 17. voz'sadaspäi.

Eländpunktan aluz om pandud vl 2009 neniden kundoiden ühtištusel: Ekenäs-lidn (mugažo ročikš, suom.: Tammisaari, Raseborgan keskuz), Karis-lidn (mugažo ročikš, suom. Karjaa) i Pohj-kund (suom.: Pohja, roč.: Pojo). Nimitihe ut lidnad 14. voz'sadan Raseborg-lidnusen mödhe Ekenesas.

Raseborg šingotase laivansauvomižel (laivoiden südäikrepind i mebel', metallanümbriradmine), Sisu Auto-jüguavtoiden tegimel, elektroavtoiden «Toroidion Oy»-tegimel, mugažo «Fiskars»-kompanijan päfater (veičed, raudad, kirvhed, labidod, keitimpolen astjad) i Suomenman cirk (Sirkus Finlandia) sijadasoiš lidnas da sen municipalitetas.

Geografijan andmused

Lidn sijadase agjan suvipäivlaskmas, Baltijan meren randpolel, Suomen lahten Pohj-lahten randal.

Matkad agjan Hel'sinki-keskushesai om 86 km päivnouzmha-pohjoižpäivnouzmha orhal vai 93 km avtotedme. Lähembaižed lidnad (avtotedme) oma Hanko 35 km suvipäivlaskmha, Salo 55 km pohjoižhe i Lohj 50 km pohjoižpäivnouzmha.

Vn 2022 andmusiden mödhe lidnankundan ühthine pind om 2354,22 km², sidä kesken kuiv ma — 1148,34 km², vezi i sokaz ma ottas 67,11 km², meri — 1138,77 km².

Tobmuz

Raseborgan i Hankon kart ende erigoittud kundoidenke (2021)

Raseborgan municipaline suim kogoneb 43 ezitajaspäi.

Edeližed lidnan pämehed oma Ragnar Lundkvist (Ragnar Lundqvist, kezaku 2017 — sügüz' 2022), Tom Simola (2015 — kezaku 2017), Marten Johansson (Mårten Johansson, 2009−2015).

Eläjad

Vl 1980 nügüdläižen lidnan territorijan eläjiden lugu oli 27 972 ristitud, vl 2000 — 28 436 ristitud, vl 2010 — 29 065 ristitud, vl 2020 — 27 528 ristitud. Kaikiš suremb territorijan ristitišt oli 29 791 eläjad vl 1975.

Kodikelen mödhe (2016): suomen kel' — 30,7 %, ročin kel' — 64,9 %, toižed keled — 4,4 %. Se om kaikiš suremb ročinkel'ne municipalitet valdkundas.

Galerei

• 
  Lidnan ohjastusen pert' (2013)
• 
  Raseborg-lidnuz (2008)
• 
  «Axxell»-ühtelmasen profškol (2013)
• 
  Ekenäs (Tammisaari)-raudtestancii vl 2013

Irdkosketused

• Lidnan ohjastusen sait (raseborg.fi). (roč.) (suom.)