Lohj (lidn)

Lohj (suom.: Lohja [ˈlohjɑ], roč.: Lojo) om Suomenman lidn da lidnankund valdkundan suvipäivlaskmas. Se sijadase Udenma-agjan päivlaskmas, valdkundan 25. lidnankund eläjiden lugun mödhe.

Lohj
Lohja (suom.)
Lojo (roč.)

Lidnanznam
Valdkund	Suomenma
Eläjiden lugu (2024)	45,706 ristitud
Pind	1,109,73 km²
Pämez'	Pasi Perämäki (kül'mku 2022—)
Telefonkod	+358−19
Aigvö	tal'vel UTC+2, kezal UTC+3

Sil sanal voib olda toižid znamoičendoid; miše nähta niid, tulgat tänna.

Lidnankundan sijaduz agjas i valdkundas (2020)

Istorii

Jumalanpert' om saudud vl 1323. Eländpunktan aluz om pandud vl 1867 kuti kund. Kätihe kundad lidnudeks vl 1926, se sai lidnan statusad vl 1969.

Lohj-lidn šingotase sauvondmaterialiden pästandal (katusen täht, raudbetontegesed, seinpanelid), elektronikan i plastmassan tehmižel, mecan (bumag, haugod) i metallan ümbriradmižel. Vll 1542−1863 raudkivendon samine i vhesai 1994 mouckiven samine oliba lidnas.

Geografijan andmused

Lidn sijadase Lohjanjärven päivnouzmaižel randal.

Matkad lidnaspäi Espoohosai om 35 km päivnouzmha, Hel'sinkin keskuzpalahasai — 58 km päivnouzmha avtotel vai raudtedme.

Vn 2022 andmusiden mödhe lidnankundan pind om 1 109,73 km², sidä kesken kuivma — 939,44 nellikkilometrad, vezi i sokaz tahond ottas seičemendest (170,29 km²).

Tobmuz

Lidnankundan kart ende erigoittud kundoidenke (2023)

Lidnankund jagase 37 nimitadud i nomeruidud rajonaks (1..32, 101..105). Lohjan municipaline suim kogoneb 51 ezitajaspäi.

Edeližed lidnan pämehed oma Jarkko Härmälä (vn 2022 kezaku-reduku), Mika Sivula (eloku 2015 — semendku 2022), Simo Juva (radoi vll 2009−2015).

Eläjad

Vl 1980 lidnankundan eläjiden lugu oli 37 610 ristitud, vl 2000 — 43 786 ristitud, vl 2020 — 45 975 ristitud. Kaikiš suremb kundan ristitišt oli 47 341 eläjad vl 2010 i 47 353 eläjad vl 2015.

Vn 2016 andmusiden mödhe suomen kel' oli mamankeleks 92,5 % täht lidnalaižišpäi, ročin kel' — 3,5 %, toižed keled — 4,0 %.

Galerei

• 
  Lidnan ohjastusen pert' (2007)
• 
  Ph. Lavrentijan jumalanpert' Lohjas, vn 2013 nägu
• 
  Bumagfabrik lidnankundas vl 2008
• 
  «Laurentius»-koncertzal i Anttilan keskškol (2010)
• 
  Lidnan kirjišt (2018)
• 
  Lohjan avtobusstancii vl 2007

Irdkosketused

• Lidnan oficialine sait (lohja.fi). (suom.) (roč.)