Neftekumsk

Neftekumsk (ven.: Нефтекумск) om Venäman lidn Stavropolin randan päivnouzmas. Se om Neftekumskan lidnümbrikon (edel 2017 vot — rajonan) administrativine keskuz, mülüi sihe ende-ki.

Neftekumsk
Нефтекумск

Lidnanznam	Flag
Valdkund	Venäma
Eläjiden lugu (2018)	24,763 ristitud
Pind	20 km²
Pämez'	Dmitrii Sokurenko (2017—)
Telefonkod	+7−86 558-xx-xxx
Avtokod	26, 126
Aigvö	UTC+3 (MSK+0)

Istorii

Eländpunktan aluz om pandud vl 1958 samha kivivoid. Vl 1965 kätihe uden rajonan keskuseks. Radnikžilo sai lidnan statusad vl 1968. Lidn šingotase kivivoin samižel tähäsai (läz 1 mln tonnoid vodes), mugažo leibtegim i maidtegim ratas lidnas.

Geografijan andmused

Lidn sijadase Nogain stepiš, Kumanjogen oiktal randpolel, 5 km jogespäi, 40 m keskmäižel korktusel valdmeren pindan päl. Matkad Stavropolihesai om 276 km päivlaskmha. Lähembaižed lidnad oma Suvisuhokumsk (Dagestan) 60 km päivnouzmha avtotedme i Budönnovsk 70 km päivlaskmha avtol.

Eläjad

Vn 2010 Venäman rahvahanlugemižen mödhe lidnan eläjiden lugu oli 27 687 ristitud, rajonan kaks' videndest. Kaikiš suremb ristitišt oli 27 703 eläjad vl 2011.

Rahvahad (enamba 1% vl 2010, ozutadud rahvahudenke): venälaižed — 75,5%, darginalaižed — 7,0%, nogailaižed — 3,4%, totarlaižed — 3,2%, armenijalaižed — 1,9%, turkmenalaižed — 1,7%, avarad — 1,0%, toižed rahvahad — 6,3%.

Irdkosketused

• Neftekumskan lidnümbrikon tobmuden aluzkundoiden oficialine sait (angosk.ru). (ven.) (angl.) (fr.) (saks.)