Las Pal'mas

Las Pal'mas (isp.: Las Palmas de Gran Canaria) om Ispanijan lidn da kurort Kanarižil saril. Se om valdkundan ühesanz' lidn eläjiden lugun mödhe, avtonomižen Kanarižed sared-ühthižkundan ühteks kahtes pälidnaspäi (nelläks vodeks, sid' sirdab).

Las Pal'mas
Las Palmas de Gran Canaria

Lidnanznam	Flag
Valdkund	Ispanii
Eläjiden lugu (2018)	378,517 ristitud
Pind	100,55 km²
Pämez'	Karolina Darias (kezaku 2023—, Carolina Darias)
Telefonkod	+34−928
Aigvö	tal'vel UTC+0, kezal UTC+1

Municipalitetan sijaduz saren kartal (2021)

Istorii

Eländpunktan aluz om pandud vn 1478 24. päiväl kezakud Kastilijan sodavägil, hö otiba vägestust guančiden päl. Las Pal'mas šingotaškanzihe teravas kuti kivihilen varažom da seižundtaho transatlantižiden laivoiden täht 19. voz'sadan lopus.

Geografijan andmused

Lidn sijadase Gran Kanarii-saren pohjoižpäivnouzmas, Atlantižen valdmeren randal, 0..722 m korktusil, 6 m ü.m.t. keskmäižel korktusel. Matkad Afrikan randhasai (Marok i Päivlaskmaine Sahar) om 220..250 km päivnouzmha i suvipäivnouzmha, Madridhasai om 1930 km pohjoižpäivnouzmha orhal. Lähembaine järed lidn om Kanariden Santa Krus de Tenerife 100 km päivlaskmha-lodeheze ehtatimel.

Klimat om tropine letetazangišton. Vilu Kanarine joksmuz poleneb räkad. Voden keskmäine lämuz om +21,2 C°, heinkun-redukun +23,1..+24,6 C°, tal'vkun-keväz'kun +18,1..+19,3 C°. Ekstremumad oma +9,4 C° (uhoku) i +44,2 C° (heinku). Paneb sadegid 151 mm vodes, läz ei olele niid keväz'kus-sügüz'kus (29 mm pordos). Il'man i meriveden keskmäine lämuz vajehtase +18..+23 C° röunoiš vodes läbi.

Lidnan rajonad (2004)

Eläjad

Vn 2011 Ispanijan rahvahanlugemižen mödhe lidnan eläjiden lugu oli 383 343 ristitud, se oli kaikiš suremb ristitišt.

Edeline lidnan pämez' (isp.: Alcalde de Las Palmas de Gran Canaria) om Augusto Idal'go (Augusto Hidalgo, kezaku 2015 — kezaku 2023).

Nell'kümnen valdkundan konsulused ratas lidnas.

Sebruzlidnad

• AÜV San Antonio, Tehas, AÜV (vn 1975 sügüz'kuspäi)
• Nuadibu, Mavritanii (vn 1986 kül'mkuspäi)
• Ispanii Garačiko, Kanarižed sared, Ispanii (vn 1998 kül'mkuspäi)

Irdkosketused

• Lidnan oficialine sait (laspalmasgc.es). (isp.)