Kuressaare

Kuressaare (mugažo estin kelel «kur'giden sar'», edel 1917 vot saks.: A(h)rensburg, vll 1952−1988 oficialine nimituz oli Kingisepp, est.: Kingiseppa) om Estinman lidn valdkundan suvipäivlaskmas. Se om Saare-makundan administrativine keskuz da üks'jäine lidn, valdkundan kaikiš päivlaskmaižemb lidn. Edel vn 2017 redukud lidn oli erine municipalitet, nügüd' mülüb Saaremaa-volostihe (sar' kogonaz).

Kuressaare

Lidnanznam	Flag
Valdkund	Estinma
Eläjiden lugu (2018-01-01)	13,276 ristitud
Pind	14,95 km²
Pämez'	Madis Kallas (sulaku 2015—)
Telefonkod	+372-(0)45
Aigvö	tal'vel UTC+2, kezal UTC+3

Lidnan kart (2012).

Istorii

Eländpunktan aluz om pandud vl 1154. Mainitaškanzihe vspäi 1381. Om olmas makundan keskuseks lidnan oiktusidenke vs 1563 semendkun 8. päiväspäi Danijan palaks. Vll 1645−1721 lidn mülüi Ročinmaha, sid' Venäman imperijha vhesai 1917. Lidnut šingotaškanzihe üläkundan kurortaks. Nevondkundaližen aigan nimitihe estilaižen Viktor Kingisepp-kommunistan kanzannimen mödhe kut hänen kodilidn, Venäman Kingisepp nimitase hänen-žo oiktastuseks tähäsai.

Kuressaare eläb sömtegimištol (oludtegim i lihan ümbriradmine), elektromäričimen andmusiden radiooigendusen südäimen «Incap»-tegimel, likutimvenehiden edheotandal, meriportal i turizmal.

Geografijan andmused

Lidn sijadase Saaremaa-saren suvirandal, Rigan lahten lodehližel randal, 5 m ü.m.t. keskmäižel korktusel. Roomassaare-meriport om saudud ühtennimižel pol'sarel i lidnrajonal. Matkad Tallidnhasai om 216 km pohjoižpäivnouzmha avtotel pol'časuiženke ehtatimenke Moonzundan sal'men kal't.

Eläjad

Vn 2011 Estinman rahvahanlugemižen mödhe lidnan eläjiden lugu oli 13 166 ristitud, nügüdläižen volostin läz kaht videndest. Kaikiš suremb lidnan ristitišt oli 16 166 eläjad vl 1989.

Rahvahad (enamba 0,4% vl 2011): estilaižed — 97,68%, venänikad — 1,21%, toižed rahvahad — 1,11%.

Galerei

• 
  Lidnan ohjastusen pert' (2007)
• 
  Arhijerejan zamk (2004)
• 
  Meriport
• 
  Ferrum-torguindkeskuz
• 
  Sportkeskuz
  (om vaumitud vl 2005)

Irdkosketused

• Lidnan da sen volostin oficialine sait (saaremaavald.ee). (est.) (angl.)
• Lidnan ühthine nägu eläbalaz estonia360.ee-saital.