Kankaanpää

Kankaanpää (mugažo suomen i ročin kelil) om Suomenman lidn da lidnankund valdkundan suvipäivlaskmas. Mülüb Sadakund-agjaha, sen nellänz' lidnankund seičemespäi eläjiden lugun mödhe.

Kankaanpää

Lidnanznam
Valdkund	Suomenma
Eläjiden lugu (2020-01-01)	11,272 ristitud
Pind	704,74 km²
Pämez'	Mika Hatanpää (keväz'ku 2016—)
Telefonkod	+358-
Aigvö	tal'vel UTC+2, kezal UTC+3

Lidnankundan sijaduz agjas i valdkundas (2020)

Istorii

Municipalitetan aluz om pandud vl 1865. Kätihe sidä lidnanvuiččeks (suom.: kauppala) vl 1967, anttihe lidnan statusad (kaupunki) vl 1972. Honkajoki-municipalitet linni ühtištadud lidnankundanke vl 2021.

Kankaanpää šingotase terazvanundtegimel («Ruukki», lehtesed polimerkrepindanke) i professionaližen opendusen keskuseks: torguindan škol, politehnine škol, artillerijan sodaškol. Sodamehiden sijaduz i harjoituzbaz oma lähižes Niinisalo-küläs.

Geografijan andmused

Lidn sijadase agjan pohjoižpäivnouzmas. Ruokojärvi (läz üht nellikkilometrad) om lidnan suves. Karvianjogi läbitab kundad (suom.: Karvianjoki 110 km pitte, lankteb Botnižhe lahthe).

Matkad agjan Pori-keskushesai om 48 km suvipäivlaskmha orhal vai 52 km avtotedme, Hel'sinkihesai om 225 km suvipäivnouzmha orhal vai 271 km avtotedme. Lähembaižed lidnad (avtoteidme) oma Parkano (Pirkanma) 42 km pohjoižpäivnouzmha i Ikaalinen (Pirkanma) 47 km päivnouzmha.

Tobmuz

Vl 2020 lidnan ühthine pind — 704,74 km², sidä kesken kuivma 689,63 km², vezi da sokaz tahond ottas 15,11 km².

Paavo Karttunen radoi lidnan edeližen pämehen (2003−2016).

Eläjad

Vl 1980 lidnankundan eläjiden lugu oli 13 516 ristitud, vl 2010 — 12 135 ristitud. Kaikiš suremb kundan ristitišt oli 13 652 eläjad vl 1985. Ristituiden seičeme kümnendest elädas lidnankundan keskuses.

Mamankelen mödhe (2016): suomen kel' — 97,4 %, ročin kel' — 0,1 %, toižed keled — 2,5 %.

Galerei

• 
  Lidnan ohjastusen pert' (2020)
• 
  Kankaanpään jumalanpert' (om saudud vl 1839), vn 2012 nägu, sodamehiden kaumžomanke
• 
  «Ruukki»-kompanijan tegimen varažom vl 2007
• 
  Kodirandantedištandmuzei (2016)

Irdkosketused

• Lidnan ohjastusen sait (kankaanpaa.fi). (suom.) (angl.)