Ikaalinen

Ikaalinen (mugažo suomen kelel, virkand [ˈikɑːlinen], roč.: Ikalis) om Suomenman lidn da lidnankund valdkundan suvipäivlaskmas. Se om Pirkanma-agjan kümnenz' lidnankund 12:späi eläjiden lugun mödhe.

Ikaalinen (veps. i suom.)
Ikalis (roč.)

Lidnanznam
Valdkund	Suomenma
Eläjiden lugu (2024)	6,777 ristitud
Pind	843,40 km²
Pämez'	Eeva Viitanen (2022—)
Telefonkod	+358-
Aigvö	tal'vel UTC+2, kezal UTC+3

Lidnankundan sijaduz agjas i valdkundas (2020)

Istorii

Municipalitetan aluz om pandud vl 1641. Panihe ühtennimižen lidnanvuiččen Ikaalinen-žilon alust (suom.: kauppala) vl 1858. Ühtištadihe žilod ümbärdajanke küläkundanke vl 1972. Ikaalinen sai lidnan statusad (kaupunki) vl 1977.

Ikaalinen šingotase parketan da toižiden lavakrepindoiden tehmižel («Upofloor Oy»), vägitransmissijoiden paloiden pästandal («Katsa Oy»), metalližen lomun ümbriradmižel («Fincumet Oy»), lebuturizmal, maižandusel.

Geografijan andmused

Lidn sijadase agjan päivlaskmas, Kürösjärven päivlaskmaižel randal (96 km², 83 m ü.m.t., suom.: Kyrösjärvi, Kokemäenjogen bassein). Rahvahaline Seitseminen-puišt mülüb municipalitetan territorijha paloin.

Matkad agjan Tampereh-keskushesai om 48 km suvipäivnouzmha orhal vai 55 km avtotel, Hel'sinki-pälidnhasai — 205 km suvhe-suvipäivnouzmha orhal vai 237 km avtotedme. Toižed lähembaižed lidnad (avtol) oma Kankaanpää (Sadakund) 47 km päivlaskmha, Parkano 36 km pohjoižhe i Ülöjärvi 43 km suvipäivnouzmha.

Vn 2022 andmusiden mödhe lidnankundan pind om 843,40 km², sidä kesken kuivma — 750,48 km², vezi i sokaz tahond ottas 92,92 nellikkilometrad.

Tobmuz

Kaik 13 nimitadud da nomeruidud rajonad i 43 küläd mülüdas municipalitetha. Ikaalinenan municipaline suim kogoneb 27 ezitajaspäi.

Edeližed lidnan pämehed oma Kari Tolonen (sügüz'ku 2017 — 2022), Kalle Mäkelä (2013−2017), Tero Nissinen (radoi vll 2006−2012).

Eläjad

Vl 1980 lidnankundan eläjiden lugu oli 8 137 ristitud, vl 2000 — 7 744 ristitud, vl 2010 — 7 428 ristitud, vl 2020 — 6 921 ristitud. Kaikiš suremb municipalitetan ristitišt oli 8 219 eläjad vl 1990. Ristituiden koume videndest elädas lidnankundan keskuses.

Mamankelen mödhe (2016): suomen kel' — 98,2 %, ročin kel' — 0,2 %, toižed keled — 1,6 %.

Galerei

• 
  Lidnan ohjastusen pert' (2010)
• 
  Ikaalinenan Ph. Frederika Sofijan lüteranine jumalanpert' (om saudud vl 1801), vn 2015 nägu
• 
  Ikaalinen-spa-kurortan Terme-adivpert' vl 2013
• 
  Lidnan škol (2010)
• 
  Ikaalinenan valdmad vl 2013

Irdkosketused

• Lidnan oficialine sait (ikaalinen.fi). (suom.)