Ülöjärvi

Ülöjärvi (suom.: Ylöjärvi [ˈyløjærʋi], mugažo ročin kelel) om lidn da lidnankund Suomenman suvipäivlaskmas, Pirkanma-agjas. Se om Tamperehen lodehline ezilidn, valdkundan 35nz' lidn eläjiden lugun mödhe.

Ülöjärvi
Ylöjärvi

Lidnanznam
Valdkund	Suomenma
Eläjiden lugu (2024)	33,684 ristitud
Pind	1,323,96 km²
Pämez'	Pauli Piiparinen (viluku 2021—)
Telefonkod	+358-
Aigvö	tal'vel UTC+2, kezal UTC+3

Lidnankundan sijaduz agjas i valdkundas (2020)

Istorii

Ezmäine küläkund nügüdläižen lidnan territorijal oli olmas vspäi 1779. Saudihe jumalanpertid vodele 1850. Registriruihe Ülöjärvi-küläkundad vl 1869. Anttihe kundale lidnan statusad vl 2004. Viljakkal-kund (suom.: Viljakkala) om ližatud lidnha vl 2007, i Kuru-kund vl 2009.

Ülöjärvi šingotase peniden kormadimiden tegimel (Avant Tecno Oy), kül'menzoitandškapiden i honusiden pästandal (Huurre Group-kompanijan tegim), šauguiden tegimel murdoiden täht (Plastiroll Oy). Gidravline mašiništ, metallan ümbriradmižen holitišed, čuuktegim i gigijenižen kosmetikan edheotand.

Geografijan andmused

Lidn sijadase agjan keskuzpalan suves. Keijärv om lidnan fartaloiden päivnouzmas (suom.: Keijärvi 1,4 km², 144 m ü.m.t.), järed Näsijärv (suom. Näsijärvi 256,5 km², 95 m ü.m.t.) om lidnankundan päivnouzmaižeks röunaks.

Matkad agjan Tampereh-keskushesai om nell'toštkümne kilometrad suvipäivnouzmha, Hel'sinkihesai om 189 km suvipäivnouzmha-suvhe avtotedme vai raudtedme. «Tampereh — Seinjogi»-raudtekeskust i «Tampereh — Vas»-avtote läbitadas lidnad.

Lidnankundan ühthine pind om 1323,96 km², sidä kesken ma — 1115,75 km², vezi i sokaz tahond — 208,21 km² (vn 2022 andmused).

Tobmuz

Ülöjärvin municipaline suim kogoneb 51 ezitajaspäi.

Edeline lidnan pämez' om Jarkko Sorvanto (sulaku 2014 — viluku 2021).

Eläjad

Vl 1996 kundan eläjiden lugu oli 19 293 ristitud, vl 2010 — 30 500 ristitud (kahten toižen kundan ližadusen jäl'ghe), vl 2020 — 33 216 ristitud. Kaikiš suremb kundan ristitišt om nügüd'.

Eläjad mamankelen mödhe (2016): suomen kel' — 97,4 %, ročin kel' — 0,3 %, toižed keled — 2,3 %.

Galerei

• 
  Lidnan ohjastusen pert' (2009)
• 
  Ülöjärvin lüteranine jumalanpert', vn 2008 nägu
• 
  Kormadimiden kompanijan päfater i tegim vl 2015
• 
  Lidnan sportkeskuz (2008)
• 
  Elovainio-torguindkeskuz vl 2009
• 
  Ülöjärvin «Leija»-kirjišt (2008)

Irdkosketused

• Lidnan ohjastusen sait (ylojarvi.fi). (suom.)