Grenobl' (franc.: Grenoble [gʁə.ˈnɔbl], sijaline pagin Grenoblo) om lidn da kommun Francijan suvipäivlaskmas. Mülüb Overn' — Ron — Al'pad-regionha, sen koumanz' lidn eläjiden lugun mödhe.

Grenobl'
Grenoble
 Lidnanznam
Blason ville fr Grenoble (Isere).svg
 Flag
Flag of Grenoble.svg
Valdkund Francii
Eläjiden lugu (2016) 158,180 ristitud
Pind 18,13 km²
Grenobl' Grenoble
Telefonkod +33-(0)476-xxx-xxx
Aigvö tal'vel UTC+1,
kezal UTC+2

IstoriiRedaktiruida

Varmitadud eländpunktan aluz om pandud 3. voz'sadal Kularo-nimitusenke. Vl 380 udesnimitihe Gracianopol:ikš rimalaižen Gracian-imperatoran nimen mödhe. Imperijan čihodamižen jäl'ghe lidn mülüi Burgundijan kunigahusihe vhesai 1032. Vspäi 1349 om Francijan palaks, oli röunman lidnuseks keskaigan. Vl 1968 Grenobl' vastsi 10. Tal'veližid Olimpižid vändoid.

Grenobl' šingotase nenil sarakoil: elektroladimišt i elektronikan komponentad, jüžmak mašiništ (Caterpillar), sauvondmaterialiden pästand, soban edheotandad (sormikod).

Geografijan andmusedRedaktiruida

Lidn sijadase koumes alangištos, Izer-jogen randal (fr. Isère, Ronan hura ližajogi), 204..600 m korktusil, 212 m ü.m.t. keskmäižel korktusel. Om ümbärtud Al'piden koumel mägisel'gal: Šartröz, Bel'don i Verkor. Matkad Parižhasai om 483 km lodeheze-pohjoižhe.

EläjadRedaktiruida

Vl 2012 lidnan eläjiden lugu oli 158 346 ristitud. Vspäi 1962 ristitišt vajehtihe 150..166 tuh. eläjid röunoiš (166 037 rist. vl 1975). Kaik 687 985 ristitud elädas lidnaglomeracijas (2016).

Grenobl' om üläopendusen znamasine keskuz.

HomaičendadRedaktiruida


IrdkosketusedRedaktiruida