Zavitinsk (ven.: Завитинск) om Venäman lidn da lidnankund Amuran agjan suves. Se om Zavitinskan rajonan administrativine keskuz.

Zavitinsk
Завитинск
Valdkund Venäma
Eläjiden lugu (2021) 9,957 ristitud
Pind 11,5 km²
Pämez' Tat'jana Docenko
(sügüz'ku 2016—)
Telefonkod +7−41 636-xx-xxx
Avtokod 28
Aigvö UTC+9 (MSK+6)

Istorii vajehta

Eländpunktan aluz om pandud vl 1906 kuti Zavitai-külä (ven.: Завитая). Kätihe sidä lidnanvuiččeks Zavitai-žiloks vl 1936. Žilo sai lidnan statusad vl 1954, udesnimitihe siloi-žo.

Zavitinsk šingotase valdkundan holitišil i raudten holitusel.

Geografijan andmused vajehta

Lidn sijadase Zavitai- da Burei-jogiden keskes (Amuran hurad ližajoged), 230 m ü.m.t. keskmäižel korktusel. Zavitai-raudtestancii om olmas Transsibal vspäi 1914. Matkad Blagoveščenskhasai om 162 km päivlaskmha. Lähembaine lidn om Raičihinsk 40 km suvhe avtotedme. «Amur»-trass (ČitHabarovsk) läbitab lidnan pohjoižpäivnouzmašt palad.

Kaks' pen't küläd da raudtestancii mülüdas lidnankundha Zavitinskan ližaks. Lidnankundan pind — 245 km².

Eläjad vajehta

Vn 2010 Venäman rahvahanlugemižen mödhe lidnan eläjiden lugu oli 11 481 ristitud, lidnankundan — 11 811 ristitud, rajonan ristitišton koume nelländest. Kaikiš suremb lidnan ristitišt oli 20..22 tuhad eläjid vozil 1989−1998 (22 300 rist. vl 1992). Vl 2017 kaik oli 11 057 eläjad lidnankundas.

Nevondkundaližel aigal sodadivizii baziruihe lidnas, sodalendimport oli olmas. Läz ei ole sodavägid lidnas 2000-nziš vozišpäi.

Amuran agrarižen kolledžan filial om professionaližen opendusen aluzkundaks.

Irdkosketused vajehta


Amuran agjan lidnad
Belogorsk | Blagoveščensk | Ciolkovskii | Raičihinsk | Skovorodino | Svobodnii | Šimanovsk | Zavitinsk | Zei | Tind