Svobodnii (Amuran agj)

Svobodnii (ven.: Свободный) om Venäman lidn da lidnümbrik Amuran agjan keskuzpalan suves. Se om agjan koumanz' lidn eläjiden lugun mödhe, Svobodnijan rajonan administrativižeks keskuseks, ei mülü rajonha.

Svobodnii
Свободный

Lidnanznam	Flag
Valdkund	Venäma
Eläjiden lugu (2021)	52,918 ristitud
Pind	225 km²
Pämez'	Vladimir Konstantinov (eloku 2018—)
Telefonkod	+7−41 643-xx-xxx
Avtokod	28
Aigvö	UTC+9 (MSK+6)

Sil sanal voib olda toižid znamoičendoid; miše nähta niid, tulgat tänna.

Istorii

Eländpunktan aluz om pandud vl 1912 kuti Aleksejevsk lidnan statusanke Aleksei-carinpoigan oiktastuseks. Vl 1917 sulakul nimitihe lidnad nügüdläižikš.

Svobodnii šingotase raudten, sauvondmaterialiden (raudbetontegesed, keramine savič) i sömtegimišton edheotandoil. Kaikiš järedamb om vagonoiden kohenduztegim, se om üks'jäine Baikalaspäi Edahaižes Päivnouzmpoles. Vspäi 2015 Amuran londuseližen gazan ümbriradai tegim om sauvomas 15 kilometras lidnaspäi.

Geografijan andmused

Lidn sijadase Zei-jogen (Amuran hura ližajogi) oiktal randal, 190 m ü.m.t. keskmäižel korktusel. Matkad Blagoveščenskhasai om 146 km suvhe avtotedme. Lähembaižed lidnad oma Belogorsk 56 suvhe orhal vai raudtedme i Šimanovsk 60 km lodeheze raudtedme.

Svobodnii om lidnümbrikon üks'jäine eländpunkt.

Eläjad

Vn 2010 Venäman rahvahanlugemižen mödhe eläjiden lugu oli 58 778 ristitud. Kaikiš suremb ristitišt oli 81 300 eläjad vl 1992, se oli agjan kahtenz' lidn eläjiden lugun mödhe.

Professionaližen opendusen aluzkundad: Amuran tehnine kolledž i Amuran raudtetransportan institut — Edahaižen Päivnouzmpolen raudteühtenzoitusen valdkundaližen universitetan filial, medicinine škol i raudtetehnikum mülüdas institutha.

Edeline lidnan pämez' om Jurii Romanov (sulaku 2017 — eloku 2018).

Galerei

• 
  Lidnümbrikon administracijan sauvuz (2012)
• 
  Amuran londuseližen gazan ümbriradajan tegimen sauvomine vl 2019
• 
  Amuran raudtetransportan institut vl 2012
• 
  «Zei»-adivpert' (2012)
• 
  Svobodnii-päraudtestancijan sauvuz vl 2012

Irdkosketused

• Municipaližen «Svobodnii-lidn»-ühtnikan tobmuden aluzkundoiden oficialine informacine sait (svob.amurobl.ru). (ven.) i sen vanh versii (svobnews.amur.ru).