Viru

Viru (est.: Võru [ˈʋɤru], vir.: Võro, saks.: Werro; ven.: Верро edel 1917 vot) om lidn da transporttesol'm Estinman suvipäivnouzmas. Om Virun makundan administrativižen keskusen.

Viru
Võru

Lidnanznam	Flag
Valdkund	Estinma
Eläjiden lugu (2019-01-01)	11,859 ristitud
Pind	14 km²
Pämez'	Anti Allas (kül'mku 2013—)
Telefonkod	+372-xxx-xxxx
Aigvö	tal'vel UTC+2, kezal UTC+3

Lidnan kart vl 2012

Istorii

Edeline Kirumpää-lidneihut mainitaškanzihe vspäi 1322. Se kaiči Derptan arhijereikundan röunad i oli pandud mantazole suriden susedvaldkundoiden äiluguižiden sodoiden rezul'tataks. Nügüd' se om pen' eländpunkt ani pohjoižhe lidnaspäi.

Verro-usadib mainitase ezmäižen kerdan vl 1590. Nügüdläižen eländpunktan aluz om pandud Lifländijan jenaralgubernatoran käskön mödhe vn 1784 elokun 21. päiväspäi kuti uden makundan lidn-keskuz usadiban sijas. Saudihe pertištod vn 1785 planan mödhe. Vn 1793 pühäpert' om letud Jekaterina II-imperatornaižen aburahoišpäi, nimitihe hänen oiktastuseks.

Viru šingotase mecan ümbriradmižen, meblin i turizman edheotandoil, maižanduzrajonan keskuseks.

Geografijan andmused

Lidn sijadase makundan keskuzpalan pohjoižes. Tamul-järv (est.: Tamula 69 m ü.m.t., 2,3 km²) om lidnan päivlaskmas. Vagul-järv (est.: Vagula 6 km²) sijadase sen taga, Vihandu-jogi (est.: Võhandu jõgi 162 km pitte) lähteb sišpäi i om lidnan lodehližeks röunaks. Koreli-oja läbitab lidnan keskuzpalad. Matkad Tallidnhasai om 221 km lodeheze orhal, 253 km avtotedme vai raudtedme. «Petseri — Valg»-raudtekeskust läbitab lidnan suvipalad.

Eläjad

Vn 2011 Estinman rahvahanlugemižen mödhe lidnan eläjiden lugu oli 12 667 ristitud. Kaikiš suremb ristitišt oli 17 496 eläjad vl 1989.

Rahvahad (enamba 0,4% vl 2011): estilaižed — 91,98%, venänikad — 6,35%, ukrainalaižed — 0,51%, toižed rahvahad i rahvahuden ozutandata — 1,16%.

Galerei

• 
  Lidnan suiman honuz vl 2013
• 
  Ph. Katarinan lüteranine jumalanpert' (1793)
• 
  Viru-rahvahan da kelen tedoinstitut
• 
  Viru-rahvahan muzei
• 
  Avtostancii

Irdkosketused

• Lidnan tobmuden aluzkundoiden oficialine sait (voru.ee). (est.) (ven.) (angl.)