Viitasaari

Viitasaari (mugažo suomen i ročin kelil) om Suomenman lidn da municipalitet valdkundan keskuzpalan suves. Mülüb Kesksuomenma-agjaha, sen kaikiš penemb lidnankund kudespäi eläjiden lugun mödhe.

Viitasaari

Lidnanznam
Valdkund	Suomenma
Eläjiden lugu (2024)	5,768 ristitud
Pind	1,589,12 km²
Pämez'	Helena Vuopionperä-Kovanen (kezaku 2023—)
Telefonkod	+358-
Aigvö	tal'vel UTC+2, kezal UTC+3

Lidnankundan sijaduz agjas i valdkundas (2020)

Istorii

Municipalitetan aluz om pandud vl 1635. Kund sai lidnan statusad vn 1996 1. vilukud.

Viitasaari šingotase il'man kondicioniruindan mašiništon tehmižel («PKA-Invest Oy»), südäičomitandan tavaroiden pästandal («Pisla Oy») i logistikan kompanijal («Kuljetus Villman Oy»). Vhesai 2014 uksiden Fenestra-fabrik radoi, sauptihe valdoičijan kompanijan bankrotnendan tagut.

Geografijan andmused

Lidn sijadase agjan pohjoižpäivnouzmas, 140 m ü.m.t. keskmäižel korktusel, Keitele-järven pohjoižel randal (494 km², 100 m ü.m.t.). Matkad agjan Jüväskülä-keskushesai om 93 km suvhe orhal vai 99 km avtotedme, Hel'sinki-pälidnhasai om 327 km suvhe orhal vai 369 km avtol. Lähembaižed lidnad oma Äänekoski 53 km suvhe orhal vai 58 km avtotedme i Saarijärvi 51 km suvipäivlaskmha orhal vai 72 km avtotedme.

Vn 2022 andmusiden mödhe lidnankundan pind om 1589,12 km², sidä kesken kuiv ma — 1248,54 km², vezi da sokaz tahond ottas videndest (340,58 km², 230 järved). Kaikiš znamasižembad järved oma Keitele, Kolim (suom.: Kolima) i Muuruejärvi.

Tobmuz

Viitasaarin municipaline suim kogoneb 27 ezitajaspäi.

Edeližed lidnan pämehed oma Janne Kinnunen (kezaku 2013 — tal'vku 2022), Jouko Räsänen (radoi vll 2003–2013).

Eläjad

Vl 1980 lidnan nügüdläižen territorijan eläjiden lugu oli 8 910 ristitud (kaikiš suremb ristitišt vspäi 1980), vl 2000 — 7 915 ristitud, vl 2010 — 7 174 ristitud, vl 2020 — 6 168 ristitud. Ristituiden koume videndest elädas lidnankundan keskuses.

Kodikelen mödhe (2016): suomen kel' — 98,8 %, ročin kel' — 0,1 %, toižed keled — 1,1 %.

Galerei

• 
  Lidnan ohjastusen pert' (2016)
• 
  Viitasaarin lüteranine jumalanpert' (om saudud vl 1878), vn 2018 nägu
• 
  Viitasaarin keskškol vl 2018
• 
  Kirjišt, norišton pert'kulu i muzikškol (2018)
• 
  Viitasaarin avtobusstancii vl 2010

Irdkosketused

• Lidnan oficialine sait (viitasaari.fi). (suom.)