Äänekoski

Äänekoski (mugažo suomen i ročin kelil, suomen virkand: [ˈæːnekˌkoski]) om Suomenman lidn valdkundan suvipalan keskuses. Mülüb Kesksuomenma-agjaha, Jüväskülän pohjoine ezilidn.

Äänekoski

Lidnanznam
Valdkund	Suomenma
Eläjiden lugu (2024)	17,786 ristitud
Pind	1138,38 km²
Pämez'	Matti Tuononen (reduku 2015—)
Telefonkod	+358-
Aigvö	tal'vel UTC+2, kezal UTC+3

Lidnankundan sijaduz agjas i valdkundas (2020)

Istorii

Eländpunktan aluz om pandud vl 1911. Se sai lidnan statusad vl 1973. Mülütihe Sumiainen- i Suolahti-kundoid lidnha vl 2007.

Äänekoski šingotase Metsä-kompanijan järedal biotehnologižel tegimel vn 2017 redukuspäi (cellüloz, biopoltuz, biomaterialad; cellülozbumagaine tegim radoi sen sijas vhesai 2011), Valtran-traktortegimel i Valion tegimel (maidproduktad).

Geografijan andmused

Lidn sijadase agjan keskuzpalan päivnouzmas, Keitele-järven suvipäivlaskmaižel randal. Kanal ühtenzoitab Päijänne-järvenke.

Matkad agjan Jüväskülä-keskushesai om 40 km suvhe avtotedme, Hel'sinkihesai om 273 km suvhe orhal vai 313 km avtotedme.

Vn 2022 andmusiden mödhe lidnankundan ühthine pind om 1138,38 km², sidä kesken kuiv ma 884,62 km², saum vezid om kaks' ühesandest (253,76 km², 170 järved).

Tobmuz

Lidnankundan kart ende erigoittud kundoidenke (2020)

Äänekoskin municipaline suim kogoneb 43 ezitajaspäi.

Hannu Javanainen radoi lidnan edeližeks pämeheks vll 2003–2014.

Eläjad

Vl 1980 nügüdläižen lidnan territorijan eläjiden lugu oli 20 450 ristitud, vl 2000 — 20 713 ristitud, vl 2010 — 20 244 ristitud, vl 2020 — 18 759 ristitud. Kaikiš suremb kundan ristitišt oli 21 129 eläjad vl 1995.

Kodikelen mödhe (2016): suomen kel' — 98,2 %, ročin kel' — 0,1 %, toižed keled — 1,7 %.

Galerei

• 
  Lidnan ohjastusen pert' (2020)
• 
  Konginkangaz-susedkundan jumalanpert', vn 2009 nägu
• 
  Valtran-tegim vl 2013
• 
  Äänekoskin škol (2023)
• 
  Äänekoskin kirjišt (2020)
• 
  Edeline lidnanznam (1954−2006)
• 
  Äänekoskin raudtetanaz vl 2016

Irdkosketused

• Lidnan ohjastusen sait (aanekoski.fi). (suom.)
• Lidnan turizman sait (visitaanekoski.fi). (suom.) (angl.)