Vičenc

Vičenc (ital.: Vicenza [viˈtʃɛntsa], venet.: Vicensa [viˈtʃeŋ(t)sa], latin.: Vicetia) om lidn Italijan pohjoižpäivnouzmas, Venecijan agjas. Om Vičencan provincijan administrativižeks keskuseks.

Vičenc
Vicenza

Lidnanznam	Flag
Valdkund	Italii
Eläjiden lugu (2014)	110,831 ristitud
Pind	80,57 km²
Pämez'	Džakomo Possamai (kezaku 2023—, Giacomo Possamai)
Telefonkod	+39-(0)444
Aigvö	tal'vel UTC+1, kezal UTC+2

Lidnankundan sijaduz agjas (2019)

Istorii

Eländpunktan aluz om pandud 11. i 7. voz'sadoiden keskes edel m.e. amuižiden pertiden alusiden tedoidusen mödhe.

Vičencan ižandused sarakod oma omblendtegimišt (viž kompanijad), mašiništon tehmine, kuldasižiden juvelirižiden tegesiden pästand, turizm mail'man jäl'gusen sijidme. Om järedoiden bankoiden päfateroid.

Geografijan andmused

Lidn sijadase Bakkil'jone-jogen da Retrone-ližajogen ühthejoksmusen randoil, Padanan alangištos, 39 m ü.m.t. keskmäižel korktusel. Al'pad seištas pohjoižhe da päivlaskmha lidnaspäi. Voib olda sur'vezid i koume..nell'ballaižid manrehkaidusid.

Matkad Venecijhasai om 60 km päivnouzmha raud- i avtotedme. Lähembaižed lidnad oma Padui suvipäivnouzmha i Veron päivlaskmha.

Tobmuz

Lidnankundan sektorad i niiden fartalad (2013)

Vičenc jagase seičemeks sektoraks (äilugu ital.: circoscrizioni), ned alajagasoiš 22 fartalaks (äilugu quartieri).

Lidnan edeližed pämehed oma Frančesko Ruččo (Francesco Rucco, kezaku 2018 — semendku 2023), Akille Variati (Achille Variati, semendku 1990 — semendku 1995, sulaku 2008 — kezaku 2018).

Eläjad

Vl 2014 lidnan eläjiden lugu oli 113 655 ristitud, vn 2017 lopus — 111 620 ristitud. Läz 270 tuhad eläjid om ezilidnoidenke (2014). Kaikiš suremb lidnan ristitišt oli 116 620 eläjad vl 1971.

Galerei

• 
  Signori-torg, Ratušan Bissara-čuhunduz, Biade-torg (2016)
• 
  Ph. Marijan Blagoveššenjan päjumalanpert', vn 2016 nägu
• 
  Palladion bazilikjumalanpert', vn 2016 nägu
• 
  Kierikati-pert'kulu (2016, om saudud vl 1580)
• 
  Andrea Palladion muštpacaz (2016)
• 
  Olimpiko-teatran südäin (2016, om saudud vl 1585)
• 
  Vičenc-päraudtestancijan sauvuz vl 2009

Sebruzlidnad

• AÜV Klivlend, Ogajo, AÜV (vspäi 2009)

Irdkosketused

• Vičencan kommunan tobmuden sait (comune.vicenza.it). (ital.) (angl.) (isp.) (fr.) (saks.)