Uten

Uten (litv.: Utena) om lidn Litvanman pohjoižpäivnouzmas. Se om Utenan agjan administrativine keskuz.

Uten
Utena

Lidnanznam
Valdkund	Litvanma
Eläjiden lugu (2022)	25,047 ristitud
Pind	15,1 km²
Pämez'	Al'vidas Katinas (2003—, Alvydas Katinas)
Telefonkod	+370−349-xx-xxx
Aigvö	tal'vel UTC+2, kezal UTC+3

Lidnan shematine kart

Istorii

Eländpunkt mainitase kirjutadud purtkiš vspäi 1261, Utenan ruhtinasen lidnuz oli saudud. Panihe sidä mantazole 15. voz'sadal. Ezmäine jumalanpert' (kostöl) om saudud vodele 1416. Vn 1879 lämoipalo mureni Utenan koume nelländest. Satusekaz sijaduz abuti lidnale šingotadas transporttesol'meks.

Uten om trikotažan ühtelmasen sijaduz. Sömtegimišt om šingotadud nevondkundaližes aigaspäi: maidproduktoiden tegim, lihan i oludenkombinatad ratas lidnas.

Geografijan andmused

Lidn sijadase Vižuon-jogen (litv.: Vyžuona) oiktal randal tobjimalaz, om nimitadud sen ližajogen mödhe (litv. Utenaitė, Utenėlė). Matkad Vil'nüshasai om 92 km suvhe.

Klimat om ven. Kaikiš lujemb pakaine oleskeli −42 C°.

Eläjad

Vn 2011 rahvahanlugemižen mödhe eläjiden lugu oli 28 997 ristitud. Kaikiš suremb ristitišt oli 34 430 eläjad vl 1989.

Rahvahad (enamba 0,4% vl 2011): litvalaižed — 95,9 %, venänikad — 2,4 %, pol'šanmalaižed — 0,5 %, toižed rahvahad — 1,2 %.

Utenan kolledž (litv.: Utenos kolegija) om sätud valdkundal vl 2000 profopendusen sijaližiš aluzkundoišpäi, andab üläopendusen pordhid.

Sport

• FK Utenis

Irdkosketused

• Uten-lidnan da agjan tobmuden oficialine sait (utena.lt). (litv.) (angl.)