Panevežis

Panevežis (litv.: Panevėžys [pɐnʲɛvʲeːˈʑiːs], saks.: Ponewiesch, pol'š.: Poniewież) om lidn Litvanman pohjoižes. Se om valdkundan videnz' lidn eläjiden lugun mödhe.

Panevežis
Panevėžys

Lidnanznam	Flag
Valdkund	Litvanma
Eläjiden lugu (2020)	85,885 ristitud
Pind	52 km²
Pämez'	Ritis Mikolas Račkauskas (2015—, Rytis Mykolas Račkauskas)
Telefonkod	+370−45
Aigvö	tal'vel UTC+2, kezal UTC+3

Istorii

Lidnan nimituz mainitase ezmäižen kerdan vl 1503 Pol'šanman Aleksandr-kunigahan da Litvanman ruhtinased kirjeižes uman erigoituses kostölan sauvondan velgusenke. Nimitihe jogen mödhe («Nävežisan rand»). Uz' eländpunkt kazvoi jogen vastrandal mugažo, i vodel 1780 ühtištadihe lidnan kaks' palad.

Elektrotehnine, tekstiline, sauvondmaterialiden (stökol, torved) da sömtegimišt ratas Panevežisas. Lidn om znamasižiden avtoteiden sol'meks. Avtoteiden i sauvusiden kaks' järedad sauvondkompanijad baziruišoiš Panevežisas.

Geografijan andmused

Lidn sijadase Nävežis-jogen randoil (litv.: Nevėžis 210 km pitte, Nämunasan oiged ližajogi), pol'tel Vil'nüsan i Rigan keskes. Matkad Vil'nüshasai om 135 km suvipäivnouzmha.

Klimat om ven. Voden keskmäine lämuz om +6,3 C°. Paneb sadegid 596 mm vodes, enamba kezal.

Eläjad

Vl 2011 lidnan eläjiden lugu oli 99 690 ristitud, heišpäi 96 % oma litvalaižed. Kaikiš suremb lidnan ristitišt oli 126 tuhad eläjid vll 1989−1996.

Uskondan mödhe nell' eläjad videspäi oma katolikad, kaikutte kudenz' om ateist.

Galerei

• 
  Poliklinik (2020)
• 
  Riman katoline Phh. Petran da Pavlan jumalanpert' (1885), vn 2006 nägu
• 
  Kabeläntegimen administrativine sauvuz vl 2020
• 
  Stöklantegim vl 2024
• 
  Kalnapilis Arena (2023, ende Cido Arena: velotrek, basketbol, koncertad)
• 
  Panevežis-päraudestancii vl 2013

Sport

• Panevežis (futbolklub) (FK Panevėžys)

Irdkosketused

• Lidnan municipaline sait (panevezys.lt). (litv.) (angl.)