Tirv

Tirv (est.: Tõrva «terv», saks.: Törwa) om Estinman lidn da volost' valdkundan suves. Mülüb Valgan makundha, sen kahtenz' surtte lidn koumespäi. Estinman koncertoiden üks' keskusišpäi, oleskeleb läz sadad koncertoid da mugoižid aigtegoid vodes.

Tirv
Tõrva

Lidnanznam	Flag
Valdkund	Estinma
Eläjiden lugu (2019-01-01)	2,703 ristitud
Pind	4,8 km²
Telefonkod	+372−76x-xxxx
Aigvö	tal'vel UTC+2, kezal UTC+3

Lidnan kart (2012).

Istorii

Žilo sai lidnan statusad vn 1926 2. päiväl heinkud. Vll 1950−1959 lidn oli Tirvan rajonan keskuseks. Nevondkundaližen aigan Tirv-il'mbaz oli olmas lidnanno.

Tirvan ižandusen päsarakod oma mecan ümbriradmine i turizm.

Geografijan andmused

Lidn sijadase makundan lodehes, Ihne-jogen randoil (est.: Õhne jõgi 94 km pitte, lankteb Virtsjärvhe). Matkad Latvijan röunhasai om 17 km suvipäivlaskmha orhal, Tallidnhasai om 173 km pohjoižhe-lodeheze orhal vai 208 km avtotedme. Matkad makundan Valg-keskushesai om 25 km suvhe orhal vai 28 km avtotedme. Toižed lähembaižed lidnad oma Abja-Paluoja päivlaskmha-lodeheze, Vil'jandi pohjoižhe, Otepä päivnouzmha.

Kaik kaks' žilod i 37 küläd alištudas Tirvan volostin (est.: Tõrva vald) tobmudele vs 2017 redukun 24. päiväspäi. Volostin pind — 647 km².

Eläjad

Vn 2011 Estinman rahvahanlugemižen mödhe lidnan eläjiden lugu oli 2 729 ristitud, sidä kesken estilaižed — 98,8%, toižed rahvahad i rahvahuden ozutandata — 1,2%.

Kaikiš suremb lidnan ristitišt oli 3 128 eläjad vl 1940 i 3 112 eläjad vl 2006. Kaik 6 129 ristitud elihe Tirvan volostiš vn 2019 augotišes.

Galerei

• 
  Pühäpert' (2008)
• 
  Tirvan gimnazii
• 
  Vezimellic
• 
  Lidnan kinoteatr (vn 2011 nägu, om rados tošti vspäi 2019)

Irdkosketused

• Tirvan volostin ohjastusen oficialine sait (torva.ee). (est.)