Abja-Paluoja

Abja-Paluoja (mugažo estin kelel) om Estinman lidn valdkundan suves. Mülüb Vil'jandin makundha. Om Mul'gi-volostin palaks vn 2017 redukuspäi, sen administrativine keskuz.

Abja-Paluoja

Valdkund	Estinma
Eläjiden lugu (2018-01-01)	1,057 ristitud
Pind	4,49 km²
Telefonkod	+372−43-xx-xxx
Aigvö	tal'vel UTC+2, kezal UTC+3

Istorii

Abj-eländpunkt (est. Abja) mainitase ezmäižen kerdan vl 1504. Vl 1895 kaidraižuine «Miizakülä — Vil'jandi»-raudtekeskust läbiti sidä (rušihe raudted vl 1973). Päivkodi om avaitud vl 1912, keskškol — vl 1940. Vn 1945 25. päiväl tal'vkud Abja-Paluoja-žilo oli sätud. Vll 1950−1962 se oli Abjan rajonan keskuseks. Abja-Paluoja sai lidnan statusad vl 1993.

Kätihe Abjan volostin keskuseks vl 1998. Lidn om olmas municipaližeta statusata.

Geografijan andmused

Lidn sijadase maižanduzrajonas. Abjanjärv (3,4 ga, pind 55 m ü.m.t. korktusel) om lidnan keskuses, Kariste-järv (128 km², pind 37 m ü.m.t. korktusel) om lidnan pohjoižröunanno. Matkad Latvijan röunhasai om 6 km suvipäivlaskmha orhal vai 12 km suvhe avtotedme, makundan Vil'jandi-keskushesai — 30 km pohjoižpäivnouzmha orhal vai 35 km avtotedme. Lähembaižed lidnad oma Karksi-Nuia 12 km päivnouzmha avtotedme i Miizakülä 12 km päivlaskmha-suvipäivlaskmha avtotedme.

Eläjad

Vl 2003 eläjiden lugu oli 1 392 ristitud, vodele 2010 lidnan ristitišt poleni i oli 1 300 eläjad.

Galerei

• 
  Počtan sauvuz om kul'turjäl'gusen objektaks (2012, om saudud vl 1929)
• 
  Lämoipalojoukun depo vl 2012
• 
  Enččen raudtestancijan sauvuz (2011)

Irdkosketused

• Mulgin volostin sait (mulgivald.ee). (est.)
• Lidnan edeline oficialine sait (abja.ee), om udištamižeta. (est.) (angl.)