Tiltukaine

Tiltukaižen tipine Fuchsia triphylla-erik änikoičeb Turku-lidnan botanižes sadus, Suomenma

Valdkund:	Kazmused
Palakund:	Änikkazmused (Magnoliophyta)
Klass:	Kaksidülehtesižed (Magnoliopsida)
Kund:	Mirtänikoižed (Myrtales)
Sugukund:	Enoterižed (Onagraceae)
Heim:	Tiltukaine

Latinankel'ne nimi

Fúchsia L. (1753)

Sistematik
Vikierikoiš

Kuvad
Vikiaitas

ITIS 27638

NCBI 13069

Tiltukaine vai Fuksii (latin.: Fuchsia) om äivoččiden igähižvihandoiden penzhiden heim. Se mülüb Enoterižed-sugukundha. Lugetas 113 erikod. Sätihe severz'-se sadad dekorativižid sortuid da gibridoid.

Leviganduz

Erikoiden tobj pala libub Suviamerikaspäi. Severz'-se erikod kazdas Meksikas (2 erikod) i Keskuzamerikas, Taiti-sarel (1 erik) i Udes Zelandijas (koume erikod).

Ištutadas dekorativižeks kazmuseks saduiš mail'madme, änikoičeb čomašti. Ku valita oiktad klimatad da sijad, ka tiltukaine ei küzu äi holid voziden aigan. Pit'kanstrokuižen akklimatizacijan satusekahad naprindad oma Irlandijas i AÜV:oiden lodehes.

Ümbrikirjutand

Sortuiden valičend «BBC Gardeners' World»-festivalin aigan läz Birmingem-lidnad, Sur' Britanii

Päivännavedii kazmuz, ei tirpi räkäd i vilud. Notked oksad oma kattud penil vihandoil vai ruzan polhe lehtesil 4..5 sm pitte. Lehtesed oma ellipsan formal, kazdas vastaiti.

Fuksii änikoičeb erazvuiččil änikoil, hätken i tihedašti. Ribuikahad änikod oleldas mugažo. Plodud-marjad eile morijad, no söda niid ei voi huban magun tagut da magun jäl'giden taguiči. Kazvatadud semnespäi tiltukaine voib kadotada mamankazmusen ičendoid, ka äikerdoitas čokvezoil paksumb.

Kazvatand

Tal'ven lämuz pidab olda +6..+10 C°, kastelend om ven. Toštmižištutand tegese joga voden kevädel. Kezaaigan kazmusen lehtišt voib lähtta korktemb mi +18..+20 C° lämudel, ka pidab purskutada da kastelta penzast ičeze aigan.

Valitud erikod

Fuchsia boliviana — Bolivine tiltukaine
Fuchsia coccinea — Sandal'ne tiltukaine
Fuchsia excorticata — heimon kaikiš suremb erik, kazvab puks 15 metrhasai kortte, Uz' Zelandii
Fuchsia fulgens — Loštai tiltukaine
Fuchsia magellanica — Magellanine tiltukaine
Fuchsia microphylla — Henlehtesine tiltukaine
Fuchsia paniculata — Löustkikaz tiltukaine
Fuchsia splendens — Hoštkekaz tiltukaine
Fuchsia triphylla — Koumelehtesine tiltukaine, heimon tipine erik

Homaičendad

Tiltukaine Vikiaitas