Terek (lidn)

Terek (ven.: Те́рек, kab. da čerk.: Тэрч къалэ, kar. da balk.: Терк) om Venäman lidn da lidnankund Kabardinijan da Balkarijan Tazovaldkundan päivnouzmas. Se om Terekan rajonan administrativine keskuz.

Terek
Терек (ven.)
Тэрч къалэ (kab. da čerk.)
Терк (kar. da balk.)

Lidnanznam
Valdkund	Venäma
Eläjiden lugu (2022)	19,682 ristitud
Pind	8,83 km²
Pämez'	Oleg Šomahov (viluku 2017—)
Telefonkod	+7−86 632-xx-xxx
Avtokod	07
Aigvö	UTC+3 (MSK+0)

Sil sanal voib olda toižid znamoičendoid; miše nähta niid, tulgat tänna.

Istorii

Eländpunktan aluz om pandud vl 1876 kuti Murtazovo-raudtestancii (sijaline Мэртэзей) «Rostov — Vladikavkaz»-jonol, nimitihe kabardinižen bajarišton Murtazovad-kanzannimen mödhe. Udesnimitihe nügüdläižikš vl 1920. Suren sodan aigan oli okkupiruidud vn 1942 lopus severz'-se nedalid. Radnikžilo sai lidnan statusad vl 1967.

Terek-lidn šingotase diamantoiden ümbriradmižel, diamantinstrumentan tegim radab, mugažo konservtegim i villänpurnud oma saudud.

Geografijan andmused

Lidn sijadase Terek-jogen oiktal randal, 255 m keskmäižel korktusel valdmeren pindan päl.

Matkad Nal'čikhasai om 53 km päivlaskmha avtotedme. Lähembaine lidn om Maiskii 25 km pohjoižhe.

Tobmuz

Terek om lidnankundan üks'jäižeks eländpunktaks.

Lidnan Sijaližen ičeohjandusen nevondkundan ezimez' om Zaurbi Haradurov vn 2016 kül'mkuspäi.

Eläjad

Vn 2010 kaiken Venäman rahvahanlugemižen mödhe eläjiden lugu oli 19 170 ristitud, rajonan kaks' videndest. Vl 2018 lidnan ristitišt oli 19 489 eläjad. Kaikiš suremb ristitišt oli 20 300 eläjad vl 2003, vajehtase 19..20 tuhad eläjid röunoiš vspäi 2002.

Rahvahad (enamba 1 % vl 2010, ozutadud rahvahudenke): kabardalaižed (čerkesalaižed) — 85,6 %, venälaižed — 10,0 %, osetinalaižed — 1,1 %, toižed rahvahad — 3,3 %.

Islaman nell' pühäpertid om olmas lidnas.

Kabardinijan da Balkarijan avtotesauvondan kolledžan filial om lidnan professionaližen opendusen aluzkundaks.

Galerei

• 
  Terek-lidnan üks' päirdoišpäi (2008)
• 
  Uz' pertišt (2012)
• 
  Murtazovo-päraudtestancijan sauvuz, vn 2014 nägu

Irdkosketused

• Lidnankundan tobmuden sait (admterek.ru). (ven.)