Tamsalu

**Tamsalu**
	Flag;
Valdkund	Estinma
Eläjiden lugu (2020-01-01)	2,090 ristitud
Pind	4,03 km²
Telefonkod	+372-
Aigvö	tal'vel UTC+2,; kezal UTC+3

Tamsalu (mugažo estin kelel, «tammsar'») om lidn municipaližeta statusata Estinman keskuzpalan pohjoižpäivnouzmas. Mülüb Lääne-Virun makundha, sen kaikiš penemb lidn nelläspäi eläjiden lugun mödhe.

Istorii

Enččen Tamsalun volostin znam

Eländpunkt mainitase Tamsal-usadibaks (mizaks) i küläks vspäi 1512. Vll 1874−1876 saudihe raudtestancijad «Tallidn — Tartu»-keskustal. Vspäi 1880 mouckiven samine zavodihe žilonno, sen ümbriradmižen fabrik radaškanzi 20. voz'sadan augotišes, oigetihe produkcijad Piterihe päpaloin. Mouckiven ümbriradmine jätksihe ripmatomas Estinmas i nevondkundaližel pordol. Tehmine oli kaikiš suremb mugoine Estinmas, i vl 1994 se tuli lophu. Vll 1920−1972 kaidraižuine «Türi — Tamsalu»-raudtekeskust oli rados.

Žilo sai lidnanvuiččen žilon statusad vl 1954. Kätihe lidnaks vn 1996 26. päiväl redukud. Vn 2017 reformhasai lidn oli Tamsalun volostin keskuseks 214,61 km² pindal, nügüd' om Tapan volostin palaks.

Tamsalu šingotase AS Tamsalu EPT-edheotandal (oli otnus melioracijha vspäi 1950), se pästab tehnikad maižandusen, mecan varhapanendan i teiden sauvondan täht, kauhoid, jäl'gregid (ližavedamid). Mouckiven tehmižen tematine openduzpark om avaitud lidnan röunanno.

Geografijan andmused

Lidn sijadase makundan suvipäivlaskmas. Matkad volostin Tap-keskushesai om 20 km lodeheze avtotedme vai 15 km raudtedme, makundan Rakvere-keskushesai om 30 km pohjoižpäivnouzmha orhal vai avtotel, Tallidnhasai om 105 km päivlaskmha-lodeheze avtotel vai raudtedme.

Ühtennimine raudtestancii radab lidnan keskuses.