Raum

Raum (suomen kelel: Rauma [ˈrɑumɑ], roč.: Raumo) om Suomenman lidn da lidnankund valdkundan suvipäivlaskmas, Sadakund-provincijas. Se om valdkundan 29nz' lidn eläjiden lugun mödhe.

Raum
Rauma (suom.)
Raumo (roč.)

Lidnanznam	Flag
Valdkund	Suomenma
Eläjiden lugu (2024)	38,874 ristitud
Pind	1,110,12 km²
Pämez'	Esko Poikela (viluku 2022—)
Telefonkod	+358-(0)2
Aigvö	tal'vel UTC+2, kezal UTC+3

Lidnankundan sijaduz agjas i valdkundas (2020)

Istorii

Eländpunkt sai lidnan statusad vn 1442 17. päiväl semendkud aigkirjan mödhe. Rauman vahn lidn (suom. Vanha Rauma) om pandud UNESCO:n mail'man jäl'gusen nimikirjuteshe.

Raum šingotase meriportal, laivoiden likutimiden sauvondal (Rolls Royce), cellülozbumagaižel tehmižel i pumaterialiden pästandal (Metsä Group), turizmal, mugažo santehnikan tegim radab (Oras). Olkiluoto-atomelektrostancii radab läz lidnad vspäi 1978.

Geografijan andmused

Lidn sijadase agjan suvipäivlaskmas, Botnižen lahten randal.

Matkad Hel'sinkihesai om 216 km suvipäivnouzmha orhal vai 252 km avtotedme Turkun kal't. Lähižed järedad lidnad oma provincijan Pori-keskuz vižkümnes kilometras pohjoižhe i Turku 90 km suvipäivnouzmha.

Vn 2022 andmusiden mödhe lidnan ühthine pind om 1 110,12 km², sidä kesken kuivma — 496,35 km², vezi da sokaz tahond ottas 13,75 km², meri om 600,02 km².

Tobmuz

Lidnankundan kart ende erigoittud kundoidenke (2021)

Rauman municipaline suim kogoneb 43 ezitajaspäi.

Edeližed lidnan pämehed oma Johanna Luukkonen (heinku 2020 — tal'vku 2021), Kari Koski (sügüz'ku 2012 — kezaku 2020).

Eläjad

Vl 1980 lidnankundan eläjiden lugu oli 42 973 ristitud, vl 2000 — 41 001 ristitud, vl 2010 — 39 715 ristitud, vl 2020 — 39 190 ristitud. Kaikiš suremb kundan ristitišt oli 43 564 eläjad vl 1985.

Mamankelen mödhe (2016): suomen kel' — 95,1 %, ročin kel' — 0,3 %, toižed keled — 4,6 %.

Galerei

• 
  Rauman vahn lidn (2006)
• 
  Pühän Ristan jumalanpert', vn 2011 nägu
• 
  Lidnan uz' kirjišt (2013)
• 
  Kivikülän arenan tulend vai Äijänsuo-hokkeistadion vl 2012
• 
  Rauman merimuzei (2013)

Rauman ühthine nägu vezičuhundusespäi vn 2012 semendkus

Irdkosketused

• Lidnan ohjastusen sait (rauma.fi). (suom.) (ven.)
• Lidnan informacine da turistine sait (raumalle.fi). (suom.)
• Rauman vahn lidn (oldrauma.fi). (suomen i anglijan kelil)
• Raum-lidnan kart (opaskartta.rauma.fi). (suom.)