Rapl

Rapl (estin kelel: Rapla) om Estinman lidn valdkundan keskuzpalan lodehes. Se om Raplan makundan da volostin administrativine keskuz.

Rapl
Rapla

Lidnanznam	Flag
Valdkund	Estinma
Eläjiden lugu (2019-01-01)	5,069 ristitud
Pind	4,67 km²
Telefonkod	+372-(0)48
Aigvö	tal'vel UTC+2, kezal UTC+3

Raplan video dronaspäi 1 min 24 s hätkte, 12. reduku 2021

Istorii

Eländpunkt mainitase Danijan makirjas vspäi 1241. Šingotaškanzihe makundan keskuseks 19. voz'sadan lopus, savičuntegim radaškanzi vl 1898. Vl 1899 «Tallidn — Vil'jandi»-raudte läbiti žilod, se mäneb päivnouzmaižeks röunaks. Vl 1993 Rapl sai lidnan statusad.

Rapl šingotase sauvondmaterialiden tehmižel (mujud da kleid) i maidtegimel.

Geografijan andmused

Lidn sijadase Vigal-jogen hural randal tobjimalaz (est.: Vigala 95 km pitte, Kazarin hura ližajogi, se lankteb Rigan lahthe), 67 m ü.m.t. keskmäižel korktusel. Matkad Tallidnan röunhasai om 30 km pohjoižhe orhal, avtotel vai raudtel.

Koume žilod da 38 küläd mülüdas volostihe Raplan ližaks. Volostin pind — 243,3 km².

Eläjad

Vn 2011 Estinman rahvahanlugemižen mödhe lidnan eläjiden lugu oli 5 202 ristitud (makundan seičemendez), volostin — 9 051 ristitud (makundan nelländez). Kaikiš suremb lidnan ristitišt oli 6 271 eläjad vl 1989.

Rahvahad (2011) estilaižed — 95,75%, venänikad — 2,67%, suomalaižed — 0,48%, toižed rahvahad — 1,1%.

Galerei

• 
  Lidnan keskuztorg
• 
  Lidnan jumalanpert' (vn 1901 uz' sauvuz)
• 
  Rahvahaline keskuz
• 
  Raplan raudtestancijan sauvuz
• 
  Enzne administrativine sauvuz (1977), nügüd' sportkeskuz

Irdkosketused

• Lidnan da sen volostin oficialine sait (rapla.kovtp.ee). (est.)
• Lidnan ühthine nägu eläbalaz estonia360.ee-saital.