Pudasjärvi

Pudasjärvi (mugažo suomen i ročin kelil, suomen virkand: [ˈpudɑsˌjærʋi]) om lidn da municipalitet Suomenman keskuzpalan pohjoižes. Mülüb Pohjoižpohjanma-agjha, sen seičemenz' lidnankund üks'toštkümnespäi eläjiden lugun mödhe.

Pudasjärvi

Lidnanznam
Valdkund	Suomenma
Eläjiden lugu (2024)	7,345 ristitud
Pind	5,867,36 km²
Pämez'	Tomi Timonen (2014—)
Telefonkod	+358-
Aigvö	tal'vel UTC+2, kezal UTC+3

Lidnankundan sijaduz agjas i valdkundas (2020)

Istorii

Jumalanpertin tulend om sätud vl 1639. Municipalitetan aluz om pandud vl 1865. Anttihe lidnan statusad (suom.: kaupunki) vl 2004. Kundan ohjastuz päti kucta immigrantoid elämhä lidnas vspäi 2012, ližata heiden palad kümnendeshesai.

Pudasjärvi šingotase kahtel mecanümbriradmižel tegimel («Kontiotuote Oy» — pardekahad pertid, «Profin Oy» — iknad da uksed) i maižanduzprodukcijan ümbriradmižel («Apetit» i Niemitalon sagud). Mägisuks'kurort radab Iso-Süöte-mägel vspäi 1980 (17 pautet).

Geografijan andmused

Lidn sijadase agjan pohjoižes, Iijogen molembil randoil (suom.: Iijoki 340 km pitte, lankteb Botnižhe lahthe). Kaikiš korktemb čokkoim om Iso-Süöte-mägi (suom. Iso-Syöte) 432 m ü.m.t.. EÜ:n kaikiš amuižembad kall'formacijad oma Siuruankülän pindal, mineraloidenke 3,5 mlrd vozid igäl.

Matkad agjan Oulu-keskushesai om 81 km päivlaskmha-suvipäivlaskmha orhal vai 88 km avtol, se-žo lähembaine lidn. Matkad Hel'sinki-pälidnhasai — 587 km suvhe-suvipäivlaskmha orhal vai 691 km avtotedme.

Vn 2022 andmusiden mödhe lidnankundan pind om 5867,36 nellikkilometrad, sidä kesken kuiv ma — 5638,35 km², vezi i sokaz tahond ottas 229,01 km².

Tobmuz

Municipalitetan küläd järvidenke da jogidenke

Kaik 15 küläd alištudas Pudasjärvin tobmudele. Pudasjärven municipaline suim kogoneb 27 ezitajaspäi.

Kaarina Daavittila radoi edeližen lidnanpämehen (2008−2014).

Eläjad

Vl 1980 kundan eläjiden lugu oli 11 493 ristitud (kaikiš suremb ristitišt vspäi 1980), vl 2000 — 10 044 ristitud, vl 2010 — 8 827 ristitud, vl 2020 — 7 860 ristitud. Eläjiden pol' eläb lidnankundan keskuses, sen nimituz om Kurenalus vai Kurenal (suom.: Kurenalus / Kurenala).

Kodikelen mödhe (2016): suomen kel' — 97,9 %, ročin kel' — 0,1 %, toižed keled — 2,0 %.

Galerei

• 
  Lidnan muzei tulleimellicoidenke (2006)
• 
  Pudasjärvin jumalanpert' (om saudud vl 1781), vn 2015 nägu
• 
  Lakarin škol kundas vl 2020
• 
  Puikkari-lebubassein (2006)
• 
  Sportzal i norišton objektad vl 2020

Irdkosketused

• Lidnankundan oficialine sait (pudasjarvi.fi). (suom.) (+ ühthižed tedod lidnas anglijan i venän kelil)