Mombas

Mombas (angl.: Mombasa [mɒmˈbæsə], suah.: Mombasa) om Kenijan kahtenz' surtte lidn i kaikiš järedamb meriport. Sädab erigoittud ümbrikod administrativižikš.

Mombas
Mombasa (angl. i suah.)

Lidnanznam	Flag
Valdkund	Kenii
Eläjiden lugu (2019)	1,208,333 ristitud
Pind	220 km²
Pämez'	Abdulsvamad Šariff Nassir (Abdulswamad Shariff Nassir)
Telefonkod	+254-
Aigvö	UTC+3

Lidnan kart (2014)

Istorii

Eländpunktan aluz om pandud 11. voz'sadal. Mainitase ezmäižen kerdan araban al'-Idrisi-geografan 12. voz'sadan käzikirjuteses. Kändihe sureks torguindlidnaks 15. voz'sadale. Mombas oli Portugalijan kolonialižeks keskuseks vspäi 1593, portugaline Iisusan lidnuz i jumalankodi oma kaičenus muštnikoikš. Vspäi 1698 oli alištunu Omanan tobmudele. Vl 1837 Zanzibaran sultan valdoičeškanzi lidnas. Vspäi 1875 se oli Britanižen imperijan tobmuden al.

Vl 1905 sirtihe britanižen protektoratan pälidnad Mombasaspäi Nairobihe. Edel vn 2010 konstitucijan vahvištust oli valdkundan Merenrandaližen agjan administrativižeks keskuseks.

Geografijan andmused

Lidn sijadase Kenijan suvipäivnouzmas, suvhe ekvatoralpäi, Indižen valdmeren ühtennimižel korallsarel i kontinentan lähižil randoil, 50 m ü.m.t. keskmäižel korktusel. Sar' ühtenzoitase kontinentanke sildal da damboil. Matkad Nairobi-pälidnhasai om 440 km lodeheze.

Klimat om ekvatorialine räk. Kun keskmäine lämuz om +24..+28 C° vodes läbi. Ekstremumad oma +13,6 C° i +45,9 C°. Paneb sadegid 1072 mm vodes, enamba sulakus-semendkus (390 mm pordos), vähemba vilukus-keväz'kus (14..56 mm kus).

Eläjad

Vl 1950 ristitišt oli 94 tuh. eläjid. Kaik 972 tuhad eläjid oli lidnas vl 2011. Läz 3,5 mln ristituid elihe lidnaglomeracijas vl 2019.

Lidnas om islaman pühäpertid, katoline päjumalanpert', induizman 19.-20. voz'sadoiden pühäpertid.

Irdkosketused

• Lidnan oficialine sait (mombasa.go.ke). (angl.)