Mänttä-Vilppul

Mänttä-Vilppul (suom.: Mänttä-Vilppula, roč.: Mänttä-Filpula / Mänttä-Vilppula) om Suomenman lidn da lidnankund valdkundan suvipalan keskusen päivlaskmas. Se om Pirkanma-agjan kahesanz' lidnankund kaks'toštkümnespäi eläjiden lugun mödhe.

Mänttä-Vilppul
Mänttä-Vilppula (suom.)
Mänttä-Filpula / Mänttä-Vilppula (roč.)

Lidnanznam
Valdkund	Suomenma
Eläjiden lugu (2024)	9,258 ristitud
Pind	657,09 km²
Pämez'	Anne Heusala (kezaku 2021—)
Telefonkod	+358-
Aigvö	tal'vel UTC+2, kezal UTC+3

Lidnankundan sijaduz agjas i valdkundas (2020)

Istorii

Municipalitetan aluz om pandud vspäi 2009 lidnan statusanke, ühtištadihe Mänttä-lidnad Vilppul-küläkundanke. Kundan keskuzpalan ristitišt ližadui ühtištusen jäl'ghe, toižel territorijal se poleni lujas. Kävutadas enččen Vilppul-municipalitetan znamad.

Mänttä-Vilppul šingotase «Metsä Tissue»-kompanijan cellülozbumagaižel tegimel (läz 400 radnikad vl 2019).

Geografijan andmused

Lidn sijadase agjan pohjoižpäivnouzmaiženno röunanno. Kaik om 136 järved kundas, znamasižembad järved oma Ruovesi, Kuorevesi i Keurusselkä.

Matkad agjan Tampereh-keskushesai om 75 km suvipäivlaskmha orhal vai 90 km avtol, Hel'sinkihesai — 210 km suvhe orhal vai 263 km avtotedme. Lähembaižed lidnad (avtol) oma Keuruu (Kesksuomenma) 33 km pohjoižhe, Jämsä (Kesksuomenma) 40 km suvipäivnouzmha i Orivezi 48 km suvhe-suvipäivlaskmha. Kahesakilometrine raudtesarak tuleb Mänttähä Vilppulaspäi.

Tobmuz

Lidnan ühthine pind — 657,09 km² (vn 2022 andmused), sidä kesken kuivma 534,84 km², vezi i sokaz tahond ottas 122,25 nellikkilometrad.

Edeližed lidnan pämehed oma Markus Auvinen (viluku 2018—), Esa Sirviö (radoi vll 2012−2017).

Eläjad

Vl 1980 lidnan nügüdläižen territorijan eläjiden lugu oli 15 147 ristitud (kaikiš suremb ristitišt siš vodespäi), vl 2000 — 12 738 ristitud, vl 2010 — 11 413 ristitud, vl 2020 — 9 850 ristitud. Seičeme ristitud ühesaspäi elädas kundan keskuses.

Mamankelen mödhe (2016): suomen kel' — 97,4 %, ročin kel' — 0,2 %, toižed keled — 2,4 %.

Galerei

• 
  Lidnan ohjastusen pert' (2014)
• 
  Mänttän jumalanpert' (1928), vn 2015 nägu
• 
  «Metsä Tissue»-kompanijan cellülozbumagaine tegim vl 2018
• 
  Vilppulan raudtestancijan sauvuz vl 2019

Irdkosketused

• Lidnan oficialine sait (manttavilppula.fi). (suom.) (angl.)