Kuzneck

Kuzneck (ven.: Кузне́цк, tot.: Кузнецк / Күзнәй) om Venäman lidn da lidnümbrik Penzan agjan päivnouzmas. Se om agjan kahtenz' lidn eläjiden lugun mödhe, mugažo Kuzneckan rajonan administrativižeks keskuseks.

Kuzneck
Кузнецк

Lidnanznam	Flag
Valdkund	Venäma
Eläjiden lugu (2020)	80,497 ristitud
Pind	42,08 km²
Pämez'	Sergei Laptev (sügüz'ku 2019—)
Telefonkod	+7−84 157-xx-xxx
Avtokod	58
Aigvö	UTC+3 (MSK+0)

Istorii

Eländpunktan aluz om pandud Petr I-carin Vasilii Nariškin-abunikal vl 1699 kuti Trujovo-Voskresenskoje, sid' Nariškino-žilo. Šingotihe käziradoil i jarmankoil. Se sai makundan lidnan oficiališt statusad nügüdläiženke nimenke Jekaterina II-imperatornaižen käskön mödhe vn 1780 kül'mkus. Vl 1874 raudte läbiti lidnad.

Kuzneck šingotase mašinansauvomižel (cisternad i mašiništon palad nozoltadud gazan täht), sömtegimištol (leibänkombinat, vintegim), nahktegimel i omblendfabrikal.

Geografijan andmused

Lidn sijadase Trujov-jogen hural randal tobjimalaz (ven.: Труёв 63 km pitte, Suran üläjoksmusen hura ližajogi), 240 m ü.m.t. keskmäižel korktusel. Matkad Penzhasai om 106 km päivlaskmha orhal, 123 km avtotel vai raudtel. Lähembaižed lidnad oma Sursk i Gorodišče 61 km päivlaskmha orhal, 76 km avtotedme vai raudtedme. «Penz — Sizran'»-avtote mäneb lidnadme. «Penz — Sizran'»-raudte läbitab lidnad. Kuzneck-raudtestancii radab lidnan keskuzpalas.

Kuzneck om lidnümbrikon üks'jäine eländpunkt.

Eläjad

Vl 1939 lidnan ristitišt oli 37 842 eläjad. Vn 2010 Venäman rahvahanlugemižen mödhe lidnan eläjiden lugu oli 88 839 ristitud. Kaikiš suremb lidnan ristitišt oli 101 tuhad eläjid vll 1993−1994.

Rahvahad (2010): venälaižed — 84,7%, totarlaižed — 9,2%, mordvinalaižed — 2,2%, toižed rahvahad — 3,9%.

Ortodoksižen hristanuskondan Sündun Voznesenjan kafedraline päjumalanpert' (1842−1856), viž jumalanpertid, časoun', kaks' vauktustuzkeskust, vanhuskolaižiden loičendpert', protestantizman kaks' jumalanpertid, islaman pühäpert' i medrese ratas lidnas.

Professionaližen opendusen aluzkundad oma Kuzneckan medicinine, muzikaline, äiprofil'ne, pedagogine i elektrotehnikan kolledžad, Kuzneckan informacijan da ohjandusen tehnologijoiden institut (Penzan valdkundaližen universitetan filial).

Galerei

• 
  Leninan torg (2015)
• 
  Sündun Voznesenjan kafedraline päjumalanpert', vn 2009 nägu
• 
  Hihtandsportan baz vl 2010
• 
  «Komsomolec»-kinoteatr (2006)
• 
  Päraudtestancijan sauvuz vl 2015

Irdkosketused

• Lidnan Ezitajiden Nevondkundan sait (kuznetsk-city.ru). (ven.)
• Lidnümbrikon Administracijan sait (gorodkuzneck.ru). (ven.)