Kotk (lidn)

Kotk (suom. i roč.: Kotka, suomen virkand: [ˈkotkɑ]) om Suomenman lidn da järed meriport Kümenlakso-provincijas. Se om valdkundan 19nz' lidn eläjiden lugun mödhe.

Kotk
Kotka (suom. i roč.)

Lidnanznam
Valdkund	Suomenma
Eläjiden lugu (2024)	50,422 ristitud
Pind	949,76 km²
Pämez'	Esa Sirviö (keväz'ku 2018—)
Telefonkod	+358-(0)5
Aigvö	tal'vel UTC+2, kezal UTC+3

Sil sanal voib olda toižid znamoičendoid; miše nähta niid, tulgat tänna.

Lidnankundan sijaduz agjas i valdkundas (2020)

Istorii

Eländpunktan aluz om pandud vl 1879 lidnan statusanke, no ende ročine Svensksund-lidnuz (suom.: Ruotsinsalmi) oli jo Kotkan sijas. Vspäi 1890 raudte ühtenzoitab lidnad Kouvolanke.

Kotk šingotase ohjastusen holišiden kompanijoil, logistikal («Steveco»), cellülozbumagaižel tegimištol («Stora Enso», «Kotkamills Oy»). Järed rahvahidenkeskeine meriport om saudud lidnas.

Geografijan andmused

Lidn sijadase valdkundan suvipäivnouzmas, agjan suves, Suomen lahten randal, 0..87 m ü.m.t. korktusil.

Matkad Hel'sinkihesai om 115 km päivlaskmha orhal, 164 km avtotedme vai raudtedme, Venäman röunhasai — vižkümne kilometrad päivnouzmha orhal. Lähembaižed lidnad oma Kouvol 40 km pohjoižhe i Hamin 15 km pohjoižpäivnouzmha.

Vn 2022 andmusiden mödhe lidnankundan pind om 949,76 km², sidä kesken kuiv ma — 271,95 km², vezi da sokaz tahond ottas 5,82 nellikkilometrad, meri om 671,99 km².

Tobmuz

Lidnankundan kart ende erigoittud kundoidenke (2022)

Kotkan municipaline suim kogoneb 51 ezitajaspäi.

Edeline lidnan pämez' om Genri Lindelöf (Henry Lindelöf, 2002 — tal'vku 2017).

Eläjad

Vl 1980 lidnankundan eläjiden lugu oli 60 752 ristitud, vl 2000 — 54 846 ristitud, vl 2010 — 54 824 ristitud, vl 2020 — 52 096 ristitud. Kaikiš suremb kundan ristitišt oli 62 tuh. eläjid 1970-nzil vozil, sid' se poleni migracijan tagut Hel'sinkihe tobjimalaz.

Eläjad mamankelen mödhe (2016): suomen kel' — 89,8 %, ročin kel' — 1,0 %, toižed keled — 9,2 %.

Galerei

• 
  Lidnan ohjastusen pert' (2007)
• 
  Ph. Mikulain jumalanpert' (ortodoksine hristanuskond, 1799−1801), vn 2006 nägu
• 
  Kotkan port vl 2009
• 
  Sibeliusan puišt (2010)
• 
  Vellamo-merimuzei vl 2008

Irdkosketused

• Lidnan ohjastusen sait (kotka.fi). (suom.) (angl.) (ven.)