Karkkil

Karkkil (suom.: Karkkila, roč.: Högfors, suomen virkand: [ˈkɑrkːilɑ]) om Suomenman lidn valdkundan suvipäivlaskmas. Mülüb Udenma-agjaha, sen 12. surtte lidnankund koumetoštkümnespäi eläjiden lugun mödhe.

Karkkil
Karkkila (suom.)
Högfors (roč.)

Lidnanznam
Valdkund	Suomenma
Eläjiden lugu (2024)	8,453 ristitud
Pind	255,32 km²
Pämez'	Juha Jokitalo (semendku 2024—)
Telefonkod	+358−9
Aigvö	tal'vel UTC+2, kezal UTC+3

Lidnankundan sijaduz agjas i valdkundas (2020)

Istorii

Municipalitetan aluz om pandud vl 1932 lidnanvuiččen žilon (suom.: kauppala) statusanke, erigoittihe Pühäjärvi Ul-kundaspäi. Ühtištadihe senke kundoidenke möst vl 1969. Karkkil sai lidnan statusad (kaupunki) vl 1977.

Karkkil šingotase elektrotehnižel tegimel (Helvar, pidatezladimed), mehanižel ümbriradmižel (SEW), konditerižel fabrikal (Fazer). Ende metallurgine tegim radoi lidnas.

Geografijan andmused

Lidn sijadase agjan lodehliženno röunanno. Saavajogi lankteb Pühäjärvhe (läz kaht nellikkilometrad) lidnas, Vanjogi (suom.: Vanjoki) jokseb järvespäi. Agjan kaikiš korktemb čokkoim seižub neciš kundas, se om Loukkumäki 174 m ü.m.t. kortte.

Matkad agjan Hel'sinki-keskushesai om 57 km suvipäivnouzmha orhal vai 69 km avtotedme. Lähembaižed lidnad (avtotedme) oma Lohj 40 km suvhe, Forss 40 km lodeheze, Regimägi 50 km pohjoižpäivnouzmha i Hüvinkä 45 km päivnouzmha.

Lidnankundan ühthine pind om 255,32 km², sidä kesken kuiv ma 242,36 km², vezi i sokaz ma 12,96 km².

Tobmuz

Karkkilan municipaline suim kogoneb 35 ezitajaspäi.

Edeližed lidnan pämehed oma Tuija Telen (Tuija Telén, kezaku 2018 — tal'vku 2023), Marko Järvenpää (2015 — kezaku 2018).

Eläjad

Vl 1980 lidnankundan eläjiden lugu oli 8 330 ristitud, vl 2000 — 8 753 ristitud, vl 2010 — 9 209 ristitud (kaikiš suremb ristitišt), vl 2020 — 8 696 ristitud.

Kodikelen mödhe (2016): suomen kel' — 94,0 %, ročin kel' — 0,9 %, toižed keled — 5,1 %.

Galerei

• 
  Lidnan kirjišt (2015)
• 
  Karkkilan jumalanpert' (1781), vn 2015 nägu
• 
  «Helvar Oy»-kompanijan päfater i tegim vl 2008
• 
  SEW-kompanijan mehanižen ümbriradmižen tegim vl 2020

Irdkosketused

• Lidnan ohjastusen sait (karkkila.fi). (suom.)