Kanaš

Kanaš
Канаш (ven. i čuv.)
Lidnanznam;	Flag;
Valdkund	Venäma
Eläjiden lugu (2021)	44,438 ristitud
Pind	18,5 km²
Pämez'	Andrei Konstantinov; (reduku 2015—)
Telefonkod	+7−83 533-xx-xxx
Avtokod	21, 121
Aigvö	UTC+3 (MSK+0)

Kanaš (čuv.: Канаш «nevondkund», ven.: Кана́ш, tot.: Канаш / Kanaş) om Venäman lidn da lidnümbrik, järed avtote- da raudtesol'm Čuvašijan Tazovaldkundan keskuzpalas. Se om tazovaldkundan koumanz' lidn eläjiden lugun mödhe, mugažo om Kanašan rajonan administrativižeks keskuseks, ei ole rajonan palaks.

IstoriiRedigeeri

Eländpunktan aluz om pandud vl 1892 kuti Šihrani-külä (čuv.: Шăхран). Vl 1925 se sai lidnan statusad nügüdläiženke nimenke.

Kanašan tegimišton päsarakod oma transportmašinoiden sauvomine (vagonad i niiden palad, avtobusoiden palad, kormadimed, mecližavedamad jüguavtoiden täht, traktoran jäl'gmašiništ, tesauvondan pened mašinad, henotiž-sortiruindmašiništ i konvejerad), toine mašinansauvomine (leiktimiden pästand, metallan ümbriradmine, henikon tegim), elektrotehnine (Arkto-vilugoitimed-škapad, vspäi 2020), sömtegimišt (leibtegim, sagudkombinat, painatosed), sauvond, sauvondmujuiden, keramikan i hobasižiden kengiden tehmine.

Geografijan andmusedRedigeeri

Lidn sijadase Pen' Civil'- (čuv.: Кĕçĕн Çавал) da Kubn'- (čuv.: Кĕтне, ven.: Кубня) jogidenkeskeižes (Volgan oiged randpol'), 190 m ü.m.t. keskmäižel korktusel. Reljef om vanoikaz. Matkad Čeboksarhasai om 70 km pohjoižhe orhal vai 80 km avtotedme. Lähembaine lidn om Civil'sk 39 km pohjoižhe orhal vai 47 km avtotedme.

Kanaš om lidnümbrikon üks'jäine eländpunkt.

EläjadRedigeeri

Vn 2010 kaiken Venäman rahvahanlugemižen mödhe eläjiden lugu oli 45 607 ristitud. Kaikiš suremb lidnan ristitišt oli enamba 56 tuhad eläjid vozil 1992−2000 (56 900 rist. vl 1996).

Rahvahad (2010): čuvašalaižed — 53,0 %, venälaižed — 31,8 %, totarlaižed — 8,7 %, toižed rahvahad — 6,5 %.

Ortodoksižen hristanuskondan viž pühäpertid^[1] oma olmas lidnas: ph. Mikulai-čudonsädajan kafedraline päjumalanpert' (1901), koume jumalanpertid i časoun' pühäpäivän školanno.

Professionaližen opendusen aluzkundad: Kanašan transportiž-energetine tehnikum^[2], Kanašan sauvondtehnikum^[3], Kanašan pedagogine kolledž^[4], mugažo Čeboksaran medicinižen kolledžan filial i kahten üläopendusen aluzkundoiden filialad.

Lidnan Administracijan pämez' om Vitalii Mihailov vn 2020 kül'mkuspäi.

TransportRedigeeri

Avtobusad da maršruttaksid oma kundaližeks transportaks lidnas.

Kanaš- i Kanaš-2-raudtestancijad sijadasoiš lidnan territorijal.

GalereiRedigeeri

Kanaš-lidnan Administracijan sauvuz (2008)
Opendajiden seminarijan sauvuz (1915) i ph. Mikulai-čudonsädajan kafedraline päjumalanpert', vn 2016 nägu
Kanašan vagonkohenduztegimen pätulend vl 2008
Raudten läžundkodi Kanašas (2008)
Kanaš-päraudtestancii vl 2016

HomaičendadRedigeeri

IrdkosketusedRedigeeri

Kanaš-lidnan tobmuden sait (gkan.cap.ru). (ven.)

Kanaš Vikiaitas

	Čuvašijan Tazovaldkundan lidnad
	Alatir' \| Civil'sk \| Čeboksarad \| Jadrin \| Kanaš \| Kozlovk \| Mariinskii Posad \| Novočeboksarsk \| Šumerl'

[1] Kanašan pühäpertid sobory.ru-saital. (ven.)

[2] Kanašan transportiž-energetižen tehnikuman sait (kantet.ru). (ven.)

[3] Kanašan sauvondtehnikuman sait (pu16kan.ucoz.com). (ven.)

[4] Kanašan pedagogižen kolledžan sait (kanpk.ru). (ven.)

[1]

[2]

[3]

[4]

Lidnanznam	Flag
Valdkund	Venäma
Eläjiden lugu (2021)	44,438 ristitud
Pind	18,5 km²

Pämez'	Andrei Konstantinov (reduku 2015—)
Telefonkod	+7−83 533-xx-xxx
Avtokod	21, 121
Aigvö	UTC+3 (MSK+0)