Čuvašan kel' (ičeze nimitused: чăваш чĕлхи, чӑвашла) om altaižen kel'kundan kel', mülütadas ezimeletaden. Se om čuvašalaižiden (1,44 mln Venämas) kodikel'. Oficialine status om vaiše Čuvašijas.

Pagižijoiden lugu om 1,04 mln vn 2010 Venäman rahvahanlugemižen mödhe. Kaks'kel'žuz om levitadud, seičeme čuvašalašt kahesaspäi mahtoiba pagišta venäks vn 1989 rahvahanlugemižen mödhe. Vl 2010 Čuvašijan školoiden kaks' koumandest openzihe čuvašan kelel.

Reguliruindorganizacii om Čuvašijan gumanitarižtedoiden valdkundaline institut[1] (Čeboksarad, čuv. Чăваш патшалăх гуманитарии ăслăлăхсен институчĕ (ЧПГĂИ)).

Istorii vajehta

Kel' om olmas 16. voz'sadaspäi, libub amuižbulgaran kelespäi, se zavodihe läz meiden eran augud. Čuvašan kelel om äi ühthižid pirdoid toižidenke türkižidenke kelidenke, no om äi erinendoid-ki.

Kaks' lähišt paginad kebnenzoiti kirjkelen sädandad. Nügüdläine kirjkel' om olmas 19. voz'sadaspäi. Se om kirilližen kirjamišton pohjal, 37 kirjant. Läz kaikiden sanaklassoiden vaihed kändeltas, kahesa kändod.

Lugusanad vajehta

  • пӗрре — üks'
  • иккӗ — kaks'
  • виҫҫӗ — koume
  • тӑваттӑ — nell'
  • пиллӗк — viž
  • улттӑ — kuz'
  • ҫиччӗ — seičeme
  • саккӑр — kahesa
  • тӑххӑр — ühesa
  • вуннӑ — kümne
  • ҫирӗм — kaks'kümne
  • вӑтӑр — koumekümne
  • хӗрӗх — nell'kümne
  • аллӑ — vižkümne
  • утмӑл — kuz'kümne
  • ҫӗр — sada
  • пин — tuha

Homaičendad vajehta

  1. Čuvašijan gumanitarižtedoiden valdkundaližen institutan sait (chgign.ru). (ven.)


  Nece kirjutuz om vaiše ezitegez. Tö voit abutada meile, ku kohendat sidä da ližadat sihe.