Kalajogi (lidn)

Kalajogi (suom. i roč.: Kalajoki) om Suomenman lidn da lidnankund valdkundan keskuzpalan päivlaskmas. Mülüb Pohjoižpohjanma-agjaha, sen videnz' lidnankund 11:späi eläjiden lugun mödhe.

Kalajogi
Kalajoki (suom. i roč.)

Lidnanznam
Valdkund	Suomenma
Eläjiden lugu (2024)	12,296 ristitud
Pind	2,391,29 km²
Pämez'	Jukka Puoskari (2000—)
Telefonkod	+358-
Aigvö	tal'vel UTC+2, kezal UTC+3

Lidnankundan sijaduz agjas i valdkundas (2020)

Istorii

Municipalitetan aluz om pandud vl 1865. Vl 1973 Rautio-kund om ühtištadud senke. Kund sai lidnan statusad vl 2002. Mülütihe Himank-kundad (suom.: Himanka) lidnha vl 2010.

Kalajogi šingotase jügumeriportal, metalližkonstrukcijoiden sauvondal, mecpilindan edheotandal sijaližel torhudel, tarbhaižiden kaivatusiden tedištelendkompanijal, tulleielektropuištol («TuuliWatti Oy»). Lidn om ümbärtud maižanduzfermoil, ned kazvatadas produkcijad lidnantorgusen täht, mugažo villäd (nižu i rugiž).

Geografijan andmused

Lidn sijadase agjan suvipäivlaskmas, ühtennimižen jogen (suom.: Kalajoki 130 km pitte) lanktendanno Botnižhe lahthe.

Matkad agjan Oulu-pälidnhasai om 111 km pohjoižpäivnouzmha orhal vai 132 km avtotedme, Hel'sinkihesai om 445 km suvhe orhal vai 550 km avtotedme. Lähembaižed lidnad (avtol) oma Raahe 60 km pohjoižpäivnouzmha, Oulainen 46 km päivnouzmha, Üliviesk 40 km suvipäivnouzmha, Kannus (Keskpohjanma) 51 km suvhe i Kokkol (Keskpohjanma) 68 km suvipäivlaskmha.

Vl 2020 lidnankundan pind — 2 391,29 km², sidä kesken kuivma 924,05 km², vezi da sokaz tahond ottas 6,98 nellikkilometrad, meri — 1 460,26 km².

Eläjad

Vl 1980 kundan eläjiden lugu oli 11 984 ristitud, vl 2010 — 12 562 ristitud, vn 2020 augus — 12 358 ristitud. Kaikiš suremb kundan ristitišt oli 12 814 eläjad vl 1995. Ristituiden pol' eläb lidnankundan keskuses.

Mamankelen mödhe (2016): suomen kel' — 97,7 %, ročin kel' — 0,4 %, toižed keled — 1,9 %.

Galerei

• 
  Lidnan ohjastusen pert' (2009)
• 
  Kalajogen jumalanpert', vn 2018 nägu
• 
  Jukupark-bobuštuzkeskuz (2018)
• 
  Jügulaiv Kalajogen portas vl 2016

Irdkosketused

• Lidnankundan oficialine sait (kalajoki.fi). (suom.) (angl.) (ven.)