Kannus

Kannus (mugažo suomen i ročin kelil) om Suomenman lidn da lidnankund valdkundan keskuzpalan päivlaskmas. Se om Keskpohjanma-agjan kahtenz' surtte lidn kahtespäi.

Kannus

Lidnanznam
Valdkund	Suomenma
Eläjiden lugu (2020-01-01)	5,459 ristitud
Pind	470,65 km²
Pämez'	Terttu Korte (sulaku 2006 — sügüz' 2020)
Telefonkod	+358-
Aigvö	tal'vel UTC+2, kezal UTC+3

Lidnankundan sijaduz agjas i valdkundas (2020)

Istorii

Municipalitetan aluz om pandud vl 1859. Se sai lidnan statusad vl 1986.

Kannus šingotase lihanümbriradmižel («Pouttu Oy»), iknoiden i uksiden pästandal («Eskopuu Oy»).

Geografijan andmused

Lidn sijadase agjan pohjoižes, Lestijogen alajoksmusen molembil randoil (suom.: Lestijoki 110 km pitte, lankteb Botnižhe lahthe).

Matkad agjan Kokkol-keskushesai om 39 km päivlaskmha orhal, 41 km avtol vai raudtel, Hel'sinki-pälidnhasai om 419 km suvhe orhal, 512 km avtotedme vai raudtedme. Toižed lähembaižed lidnad oma Kalajoki (Pohjoižpohjanma) 40 km pohjoižhe orhal vai 51 km avtotedme i Üliviesk (Pohjoižpohjanma) 40 km pohjoižpäivnouzmha avto- vai raudtedme. Raudtestancii radab «Kokkol — Üliviesk»-keskustal.

Vn 2020 andmusiden mödhe lidnankundan pind om 470,65 km², sidä kesken kuivma 468,33 km², vezi da sokaz tahond ottas 2,32 km².

Eläjad

Vl 1980 kundan eläjiden lugu oli 5 348 ristitud, vl 2010 — 5 737 ristitud. Kaikiš suremb lidnankundan ristitišt oli 6 308 eläjad vl 1995. Kaks' ristitud koumespäi elädas lidnankundan keskuses.

Suomen kel' om mamankeleks eläjiden 97,9 % täht, ročin kel' — 0,4 %, toižed keled — 1,7 % (2016).

Galerei

• 
  Lidnan ohjastusen pert' (2018)
• 
  Kannusan jumalanpert' i sen kellčuhunduz, vn 2017 nägu
• 
  «Pouttu»-lihategim vl 2018
• 
  Kannus-raudtestancijan sauvuz vl 2014

Irdkosketused

• Lidnan ohjastusen sait (kannus.fi). (suom.) (angl.)