Kaarin

Kaarin (suom.: Kaarina [ˈkɑːrinɑ], roč.: S:t Karins «Pühän Katerinan») om Suomenman lidn Suvipäivlaskmaine Suomenma-agjan keskuzpalas. Se om agjan administrativižen Turku-keskusen päivnouzmaine i suvipäivnouzmaine ezilidn.

Kaarin
Kaarina (suom.)
S:t Karins (roč.)

Lidnanznam
Valdkund	Suomenma
Eläjiden lugu (2024)	36,531 ristitud
Pind	179,59 km²
Pämez'	Harri Virta (viluku 2007—)
Telefonkod	+358−2
Aigvö	tal'vel UTC+2, kezal UTC+3

Lidnankundan sijaduz agjas i valdkundas (2020)

Istorii

Suomenman kaikiš amuižemban (12. voz'sada) jumalanpertin aluz om löutud lidnanno. Kaarin-eländpunkt sai municipalitetan statusad vl 1869. Anttihe lidnan statusad vl 1993. Piikkiö-kund (roč.: Pikis) om ühtištadud Kaarinanke vl 2009, Kaarin oti Piikkiön lidnanznamad sil-žo aigal.

Kaarin šingotase holitišiden sferal i Turkun magaduzrajonaks.

Geografijan andmused

Lidn sijadase Baltijan meren Kuusistonsal'men randal.

Mante ühtenzoitab lidnad Turkun sarištonke. Matkad Hel'sinkihesai om 150 km päivnouzmha orhal vai avtotedme.

Vn 2018 andmusiden mödhe lidnan ühthine pind oli 179,58 km², sidä kesken kuivma 150,65 km², meri 27,88 km², sokaz ma oti 1,05 nellikkilometrad.

Eläjad

Vl 1985 nügüdläižen lidnan territorijan eläjiden lugu oli 21 981 ristitud, vl 2000 — 26 746 ristitud, vl 2010 — 30 911 ristitud, vl 2020 — 33 979 ristitud. Kaikiš suremb lidnankundan ristitišt om nügüd'.

Mamankelen mödhe (2016): suomen kel' — 91,4 %, ročin kel' — 4,3 %, toižed keled — 4,3 %.

Galerei

• 
  Lidnan tobmuden sauvuz i kirjišt (2018)
• 
  Kaarinan jumalanpert', vn 2012 nägu
• 
  Torguindkeskuz vl 2014
• 
  Ujundbassein (2014)
• 
  Rahvahaline mante nomer 10 vl 2008

Irdkosketused

• Lidnankundan oficialine sait (kaarina.fi). (suom.) (roč.) (angl.)