Harjavalt

Harjavalt (suom. i roč.: Harjavalta, suomen virkand: [ˈhɑrjɑˌʋɑltɑ]) om Suomenman lidn da lidnankund valdkundan suvipäivlaskmas. Mülüb Sadakund-agjaha, sen kaikiš penemb lidnankund seičemespäi.

Harjavalt
Harjavalta (suom. i roč.)

Lidnanznam
Valdkund	Suomenma
Eläjiden lugu (2024)	6,679 ristitud
Pind	127,74 km²
Pämez'	Hannu Kuusela (eloku 2017—)
Telefonkod	+358-
Aigvö	tal'vel UTC+2, kezal UTC+3

Lidnankundan sijaduz agjas i valdkundas (2020)

Istorii

Municipalitetan aluz om pandud vl 1869. Kätihe sidä lidnanvuiččeks (suom.: kauppala) vl 1968, anttihe lidnan statusad (kaupunki) vl 1977.

Harjavalt šingotase vas'ken fabrikal («Boliden») i nikelin rafiniruindfabrikal (vspäi 1959, «Norilsk Nickel»), meblin edheotandal (keitimpoliden täht, «Puustelli»-koncern vspäi 1920), gidroelektrostancijal (vspäi 1937) i mägisuks'kurortal.

Geografijan andmused

Lidn sijadase agjan suven keskuzpalas, 38 m ü.m.t. keskmäižel korktusel. Kokemäenjogi läbitab lidnad.

Matkad agjan Pori-keskushesai om 27 km lodeheze orhal vai 30 km avtotedme, Hel'sinkihesai om 198 km suvipäivnouzmha orhal, 217 km avtotedme vai raudtedme. Toižed lähembaižed lidnad (avtoteidme) oma Ulvil 21 km lodeheze, Kokemägi 14 km suvipäivnouzmha i Huttinen 35 km suvipäivnouzmha.

Vn 2022 andmusiden mödhe lidnan ühthine pind — 127,74 km², sidä kesken kuivma 123,48 km², vezi da sokaz tahond ottas 4,26 km².

Tobmuz

Harjavaltan municipaline suim kogoneb 27 ezitajaspäi.

Edeližed lidnan pämehed oma Jaana Karrimaa (2006–2017), Markku Auvinen (1997–2006).

Eläjad

Vl 1980 lidnankundan eläjiden lugu oli 8 871 ristitud, vl 2000 — 7 877 ristitud, vl 2010 — 7 540 ristitud, vl 2020 — 6 929 ristitud. Kaikiš suremb kundan ristitišt oli 8 955 eläjad vl 1985. Ühesa ristitud kümnespäi elädas lidnankundan keskuses.

Mamankelen mödhe (2016): suomen kel' — 96,9 %, ročin kel' — 0,2 %, toižed keled — 2,9 %.

Galerei

• 
  Lidnan tobmuden pert' (2011)
• 
  Harjavaltan jumalanpert' (om saudud vl 1984), vn 2013 nägu
• 
  Harjavaltan läžundkodi (2013)
• 
  Harjavaltan raudtestancijan pert' vl 2005

Irdkosketused

• Lidnan ohjastusen sait (harjavalta.fi). (suom.) (+ ühthižed tedod lidnas anglijan kelel)