Graivoron

lidn Venämas


Graivoron (ven.: Гра́йворон) om Venäman röunanverine lidn Belgorodan agjan suvipäivlaskmas. Se om Graivoronan lidnümbrikon (edel vn 2018 sulakud — rajonan) administrativine keskuz.

Graivoron
Грайворон
 Lidnanznam
 Flag
Valdkund Venäma
Eläjiden lugu (2020) 6,496 ristitud
Pind 10 km²
Graivoron Грайворон
Pämez' Vladimir Krasnokutskii
(2017—)
Telefonkod +7−47 261-xx-xxx
Avtokod 31
Aigvö UTC+3 (MSK+0)

Istorii

vajehta

Eländpunktan aluz om pandud vl 1678 kozakoil kuti Graivoroni-slabad (ven.: слобода Грайвороны). Vl 1838 slabad sai makundan lidnan statusad. Vn 1848 lujan lämoipalon jäl'ghe udessaudihe lidnad oigedsaumaižen planan mödhe.

Graivoron šingotase elektromehanižen, savičun, parketlaudan i saguden tegimil.

Geografijan andmused

vajehta

Lidn sijadase Vorskl-jogen hural randal (ven.: Ворскла, Dnepran hura ližajogi), 130 m ü.m.t. keskmäižel korktusel. Matkad Ukrainan röunhasai om seičeme kilometrad suvipäivlaskmha avtotedme, Belgorodhasai — 78 km päivnouzmha, se om Venäman lähembaine lidn.

Lugovk-žilo (ven.: село Луговка, 221 rist. vl 2016) mülüi lidnankundha Graivoronan ližaks. Lidnankundan pind oli 30,64 km².

Eläjad

vajehta

Vn 2010 Venäman rahvahanlugemižen mödhe lidnan eläjiden lugu oli 6 234 ristitud, lidnankundan — 6 444 ristitud, rajonan videndez. Kaikiš suremb lidnan ristitišt oli 8 900 eläjad vl 1926, Suren sodan jäl'ghe — 6 506 eläjad vl 2016. Vl 2017 lidnan ristitišt oli 6 404 eläjad.

Galerei

vajehta

Irdkosketused

vajehta



Belgorodan agjan lidnad
Aleksejevk | Belgorod | Birüč | Graivoron | Gubkin | Koroč | Stroitel' | Šebekino | Uz' Oskol | Valuikad | Vanh Oskol