Genui (ital.: Genova [ˈdʒɛːnova], ligur.: Zena [ˈzeːna], latin.: Genua / Ianua, angl.: Genoa, franc.: Gênes) om Italijan kudenz' lidn eläjiden lugun mödhe. Se om Genujan provincijan da Ligurii-agjan pälidn, Italijan kaikiš järedamb meriport.

Genui
Genova (ital.)
Zena (ligur.)
Genua / Ianua (latin.)
Flag
Flag of Genoa.svg
Valdkund Italii
Eläjiden lugu (2018) 580 097 ristitud
Pind 240,29 km²
Genui Genova (ital.) Zena (ligur.) Genua / Ianua (latin.)
Pämez' Marko Bučči
(kezaku 2 017—)
Telefonkod +39-010
Aigvö tal'vel UTC+1 
kezal UTC+2

IstoriiRedaktiruida

Eländpunktan aluz om pandud 6.-5. voz'sadal edel meiden erad. Lähevenui laht kävutihe edel sidä jo pit'kan aigan.

11. voz'sadaspäi 1797. vodhesai Genui oli Genujan Tazovaldkundan pälidnaks. Vhesai 1380 äjad Keskmeren i Mustmeren portad da territorijad oliba necen tazovaldkundan ohjastusen al.

Lugedas Genujad Hristofor Kolumban kodilidnaks.

Geografijan andmusedRedaktiruida

Lidn sijadase Italijan lodehes. Se vedase 30 kilometrad pidust' Ligurižen meren randištod, om röunatud Apenninil pohjoižespäi, seižub 20 metrad ü.m.t. keskmäižel korktusel.

Genujan kommun jagase 9 administrativižhe ümbrikho (ital. municipi).

EläjadRedaktiruida

Vn 2011 EÜ:n rahvahanlugemižen mödhe lidnan eläjiden lugu oli 608 493 ristitud. Kaikiš suremb ristitišt oli 816 872 eläjad vl 1971. Läz 1,5 mln ristituid elädas lidnan aglomeracijas (2011).

TransportRedaktiruida

Avtobusad, trolleibusad, funikulörad da liftad oma kundaližeks transportaks lidnas. Genui om järed raudtesol'm, 2 päraudtestancijad i 5 čuradust. Kebn metro radab lidnas vspäi 1990 (1 jono, 7,1 km, vspäi 2012 om 8 stancijad).

Hristofor Kolumban nimel nimitadud civiline rahvahidenkeskeine lendimport (GOA) sijadase 10 km päivlaskmpolehe lidnan keskusespäi. Sišpäi tehtas reisid Evropan maihe da Italijadme.

 
Lidnan ühthine nägu.

IrdkosketusedRedaktiruida