Edirne

Edirne (mugažo turkan kelel, virktas [e'diɾne], Adrian-nimen vajehtadud form), ende mugažo Adrianopol' (grek.: Αδριανούπολη Adrianoupoli, bolg.: Одрин) om lidn Turkanman i sen evropižen palan lodehes. Lidn om Edirnen agjan administrativižeks keskuseks.

Edirne

Valdkund	Turkanma
Eläjiden lugu (2019)	165,979 ristitud
Pind	844 km²
Pämez'	Redžep Gürkan (keväz'ku 2014—, Recep Gürkan)
Telefonkod	+90-(0)284
Avtokod	22
Aigvö	UTC+3

Istorii

Eländpunktan aluz om pandud rimalaižel Adrian-imperatoral (117−138) Uskudam-žilon sijas (Uskudama). Se žilo oli frakijalaižiden Odrissan car'kundan cariden ühteks rezidencijoišpäi, valdkund oli olmas 5. voz'sadaspäi EME.

Turkad-osmanad anastiba lidnad vl 1362, se sai Edrenebol-nimitust i oli Osmanan imperijan pälidnaks vll 1365−1453. Sil aigal lidnan ristitišt saihe 105 tuhazesai, sid' poleni kaks' koumandest.

Geografijan andmused

Lidn sijadase 42 m ü.m.t. keskmäižel korktusel, Grekanman röunanno. Matkad Bolgarijan röunhasai om 20 km lodeheze-pohjoižhe, Stambulhasai om 235 km päivnouzmha.

Klimat om subtropine Keskmeren räkanke kezanke, paneb lunt tal'vel paksus. Voden keskmäine lämuz om +14,2 C°, heinkun-elokun +25..+26 C°, tal'vkun-uhokun +3..+5 C°. Ekstremumad oma −19 C° i +44 C°. Paneb sadegid 625 mm vodes, kuidme läz tazomäras, minimum oleskeleb elokus (24 mm).

Eläjad

Vl 2010 lidnan ristitišt oli 152 993 eläjad, agjan kaks' videndest. Kaikiš suremb ristitišt om nügüd'.

Sebruzlidnad

• Grekanma Aleksandrupolis, Grekanma (2007)
• Turkanma Ardahan, Turkanma
• Bolgarii Haskovo, Bolgarii
• Turkanma Izmit, Turkanma
• Bolgarii Jambol, Bolgarii
• Turkanma Kars, Turkanma
• Saksanma Lörrah, Baden-Vürtemberg, Saksanma (2005)

Tetabad ristitud

Sündnuded

• Džem Adrian — Turkanman pajatai da muzikankurjatai

Irdkosketused

• Lidnan oficialine sait (edirne.bel.tr). (turk.)