Izmit (turk.: İzmit) om lidn Turkanman lodehes. Se om Kodžaelin agjan administrativine keskuz.

Izmit
İzmit
Valdkund Turkanma
Eläjiden lugu (2016) 354,464 ristitud
Pind 480 km²
Izmit İzmit
Telefonkod +90-(0)262
Aigvö UTC+3

IstoriiRedigeeri

Kaikenaigaižen eländpunktan ezmäižed todištused datiruišoiš 12. voz'sadal EME. Sil aigal territorii oli frigijalaižiden valdas. Möhemba sirdnikad grekižes Megar-lidnaspäi (Megara) sauvoiba Astakos-portlidnut, sijazihe nügüdläižes Bašiksele-rajonas. Frakijan Lisimah-car' mureni lidnut, i letihe Nikomedii-lidnad (grek.: Νικομήδεια) sen sijas. Vll 91−94 EME oli alištunu Riman tobmudele, mülüi Rimalaižhe imperijha. Vl 284 Diokletian-imperator kändi Nikomedijad ühteks pälidnoišpäi (imperijan nellänz' surtte), se jäi znamoičendanke pälidnan sirdandan jäl'ghe Konstantinopolihe.

Vspäi 1337 lidn om turkine kaikenaigašti, nimitusen turkan toižendanke. Ižandusen i transportteiden znamasine keskuz.

Izmit šingotase meriportoil, avtosauvomižel i avtopaloiden tehmižel, kivivoinümbriradmižel, alüminijan i bumagan pästandal, sömtegimištol.

Geografijan andmusedRedigeeri

Lidn sijadase Mramorižen meren Izmitan lahten päivnouzmaižel randal, kukhil 200 metrhasai kortte, 100 m ü.m.t. keskmäižel korktusel. Om korktoid mägid läz lidnad. Lujad manrehkaidused oleldas, jäl'gmäine znamasine oli vn 1999 elokus. Matkad Stambulhasai om 85 km päivlaskmha, Ankar-pälidnhasai om 320 km päivnouzmha avtotedme.

Vn 2011 Turkanman rahvahanlugemižen mödhe lidnan eläjiden lugu oli 300 611 ristitud. Läz 650 tuhad eläjid om ezilidnoidenke.

HomaičendadRedigeeri


IrdkosketusedRedigeeri


  Nece kirjutuz om vaiše ezitegez. Tö voit abutada meile, ku kohendat sidä da ližadat sihe.