Borz' (ven.: Бо́рзя, burät.: Бооржо) om Venäman lidn, lidnankund da raudtesol'm Baikalantagaižen randan suves. Se om Borzin rajonan administrativine keskuz.

Borz'
Борзя
 Lidnanznam
 Flag
Valdkund Venäma
Eläjiden lugu (2021) 29,596 ristitud
Pind 184 km²
Borz' Борзя
Pämez' Vladimir Nehamkin
(tal'vku 2021—)
Telefonkod +7−30 233-xx-xxx
Avtokod 75, 80
Aigvö UTC+9 (MSK+6)

Istorii vajehta

Eländpunktan aluz om pandud severzikš-se žiloikš. 18. voz'sadal panihe Borz' -žilon alust keitandsolan pramozlanno, nimitihe jogen mödhe. Vl 1899 saudihe Borz' -raudtestancijad raudtel Kitaihesai i vl 1900 avaitihe Suvorovskii-žilod holitamha stancijad. Aigan mändes ühtištadihe žiloid. Vl 1924 Borz'-žilo kändihe makundan keskuseks, vl 1950 sai lidnan statusad.

Vedimdepo i vagondepo, jauhontegim i elevator ratas lidnas. Borz' om maižanduzrajonan keskuseks kazvatamha villäd. Ende voitegim, lihakombinat i oluden edheotand radoiba lidnas. Venäman armijan motoambujiden brigad seižub Borz'-3-sodalidnudes severziš-se kilometriš lidnaspäi.

Geografijan andmused vajehta

Lidn sijadase solakahiden järvidenno, Borz'-jogen hural randal (ven.: Борзя, Amuran bassein), 690 m ü.m.t. keskmäižel korktusel. Matkad Mongolijan röunhasai om 50 km suvhe orhal, Čithasai — 370 km lodeheze avtotedme vai raudtedme. Lähembaižed lidnad oma Krasnokamensk 112 km päivnouzmha orhal vai 155 km avtol i Man'čžurii (Kitai, kit.: 满洲里 Mǎnžōulǐ) 110 km suvipäivnouzmha orhal vai 123 km avtotedme. Raudten toine sarak Čoibalsanhasai ühtenzoitab Mongolijanke.

Klimat om terav kontinentaline päivoikaz. Voden keskmäine lämuz om −2,4..−1,4 C° vilun tal'ven tagut, kezakun-elokun +17..+20 C°, tal'vkun-uhokun −23..−27 C°. Ekstremumad oma −50 C° i +41,3 C°. Paneb sadegid 295..403 mm vodes, kezal tobjimalaz (60..90 mm kuidme kezakus-elokus), i vaiše 31..37 mm redukus-sulakus.

Tobmuz vajehta

Zun-Torei-raudtestancii (109 rist. vl 2017) mülüb lidnankundha Borzin ližaks.

Lidnankundan tobmuden pämez' om sen Administracijan pämez', edel vn 2016 redukud oli Nevondkundan ezimez'.

Edeližed lidnan pämehed (Administracijan pämehed):

  • Nikolai Jakovlev (sügüz'ku 2016 — heinku 2019);
  • Sergei Rusinov (kül'mku 2019 — kezaku 2021, sid' Borzin rajonan pämez').

Lidnankundan Nevondkundan ezimez' om Julija Sedih vn 2022 redukuspäi. Edeline Nevondkundan ezimez' om Vladimir Nehamkin (reduku 2016 — tal'vku 2021).

Eläjad vajehta

Vn 2010 Venäman rahvahanlugemižen mödhe lidnan eläjiden lugu oli 31 379 ristitud, lidnankundan — 31 496 ristitud, rajonan koume videndest. Kaik 28 874 eläjad oli lidnas vl 2017. Kaikiš suremb lidnan ristitišt oli 36 700 eläjad vl 1992.

Ortodoksižen hristanuskondan ph. Sergii Radonežalaižen jumalanpert'[1] om avaitud lidnas vspäi 2014 (saudihe enamba kümned vot).

Professionaližen opendusen aluzkundad oma medicinine škol (tehnikum)[2] i Krasnokamenskan tegimištoliž-tehnologižen tehnikuman filial.

Galerei vajehta

Homaičendad vajehta

  1. Borzin pühäpertid sobory.ru-saital. (ven.)
  2. Borzin medicinižen školan (tehnikuman) sait (bmuborzya.edusite.ru). (ven.)

Irdkosketused vajehta



Baikalantagaižen randan lidnad
Balei | Borz' | Čit | Hilok | Krasnokamensk | Mogoč | Nerčinsk | Petrovsk-Zabaikal'skii | Sretensk | Šilk