Hilok (lidn)
Hilok (ven.: Хило́к) om Venäman lidn da lidnankund Baikalantagaižen randan suvipäivlaskmas. Se om Hilokan rajonan administrativine keskuz.
Lidnanznam![]() | |
Valdkund | Venäma |
Eläjiden lugu (2021) | 9,948 ristitud |
Pind | 13 km² |
![]() | |
Pämez' | Sergei Čendilov (kezaku 2023—, Сергей Чендылов) |
Telefonkod | +7−30 237-xx-xxx |
Avtokod | 75, 80 |
Aigvö | UTC+9 (MSK+6) |
Sil sanal voib olda toižid znamoičendoid; miše nähta niid, tulgat tänna.
Istorii
vajehtaEländpunktan aluz om pandud vl 1895 kuti Transsiban Hilok-raudtestancii, nimitihe jogen mödhe. Kätihe radnikžiloks vn 1929 vilukun 9. päiväl. Žilo sai lidnan statusad vn 1951 12. päiväl heinkud.
Hilok-lidn šingotase raudten edheotandoil, vedimdepo i vagonkohenduzdepo ratas.
Geografijan andmused
vajehtaLidn sijadase Hilok-jogen keskjoksmusen muugotil randoil (burät.: Хёлго мγрэн 840 km pitte, Selengan oiged ližajogi), Jablonovii-mägisel'gan alangištos, 800 m ü.m.t. keskmäižel korktusel.
Matkad Burätijan Tazovaldkundhasai om kaks'kümne kilometrad pohjoižhe, Čithasai om 220 km pohjoižpäivnouzmha orhal, 261 km raudtedme vai 320 km avtotedme. Lähembaine lidn om Petrovsk-Zabaikal'skii 112 km päivlaskmha orhal vai 152 km avtotedme. «Baikal»-avtote (R-258) om lidnan suviröunaks. Avtote mäneb jogen hural randal, raudte — oiktal randal, nell' avtotesildad ühtenzoitas jogen randoid.
Klimat om terav kontinentaline. Voden keskmäine lämuz om −2,4 C°, kezakun-elokun +14,5..+17,5 C°, tal'vkun-uhokun −18,9..−24,4 C°. Ekstremumad oma −51 C° (uhoku) i +38,6 C° (kezaku, heinku). Kezaaigan minimum om −7,2 C° (kezaku), tal'vaigan maksimum om +6,4 C° (uhoku). Ei voi olda sulasäd vilukus (maksimum −1 C°). Voib panda halad kezaaigan miččel taht kul (heinkun minimum om −2,5 C°). Paneb sadegid 380 mm vodes, enamba kezakus-elokus (64..90 mm kus), vähemba redukus-keväz'kus (4..13 mm kus). Il'man vozne keskmäine relätivine nepsuz om 68,4 %.
Tobmuz
vajehtaKaik kaks' pen't žilod (Žilkin Futor i Sosnovk) mülüdas lidnankundha Hilokan ližaks.
Lidnankundan tobmuden pämez' om sen Administracijan pämez'. Edeližed lidnan Administracijan pämehed oma Irina Pinajeva (reduku 2019 — uhoku 2023), Vladimir Kudrik (tal'vku 2011 — reduku 2019). Lidnan Nevondkundan ezimez' om Tat'jana Bihovceva (Татьяна Быховцева) vn 2022 kül'mkuspäi. Edeližed nevondkundan ezimehed oma Sergei Čerömuškin (reduku 2019 — kül'mku 2022), Lüdmila Kolabina (uhoku 2016 — reduku 2019).
Eläjad
vajehtaVn 2010 Venäman rahvahanlugemižen mödhe lidnan eläjiden lugu oli 11 539 ristitud, lidnankundan — 11 616 ristitud, rajonan kaks' videndest, vn 2021 lidnan — 9 948 ristitud. Vl 2017 kaik 10 724 ristitud elihe lidnas i 10 786 ristitud kaikes lidnankundas. Kaikiš suremb lidnan ristitišt oli 15 855 eläjad vl 1959.
Ortodoksižen hristanuskondan ph. Vladimir-ruhtinasen jumalanpert'[1] om letud vspäi 2002 i om pühästadud vl 2005. Ph. Jurgii-vägestusenkandajan časoun' om saudud 1990-nzil vozil.
Lapsiden opendusen aluzkundad oma viž nimitadud i nomeruidud päivkodid (nomer 1, 3..6), augotižškol nomer 11, aluzškol nomer 13, kaks' keskškolad (nomer 10 i 13), lapsiden sädamižen Vdohnovenije-keskuz («Hengaitez»), rajonan muzikškol, čomamahtoine škol, rajonan lapsiden da norišton sportškol. Hilokan raudteškol[2] om lidnan professionaližen opendusen aluzkundaks.
Galerei
vajehta-
Sodamuštnik pölištunuzile Suren sodan aigan sijaližile eläjile i ph. Vladimir-ruhtinasen jumalanpert', vn 2014 nägu
-
Znam avtotel ani lidnan taga (2010)
-
Hilok-päraudtestancijan sauvuz vl 2014
-
Jaugnikoiden sild-päličmänendtaho Hilok-raudtestancijal vl 2023
Homaičendad
vajehtaIrdkosketused
vajehtaHilok (lidn) Vikiaitas |
Baikalantagaižen randan lidnad | ||
Balei | Borz' | Čit | Hilok | Krasnokamensk | Mogoč | Nerčinsk | Petrovsk-Zabaikal'skii | Sretensk | Šilk | ||