Balei

Balei (ven.: Бале́й) om Venäman lidn da lidnankund Baikalantagaižen randan keskuzpalas. Se om Balein rajonan administrativine keskuz.

Balei
Балей

Lidnanznam
Valdkund	Venäma
Eläjiden lugu (2021)	10,286 ristitud
Pind	49 km²
Pämez'	Viktor Kvätkov (kül'mku 2023—)
Telefonkod	+7−30 232-xx-xxx
Avtokod	75, 80
Aigvö	UTC+9 (MSK+6)

Istorii

Ezmäižed mülünuded lidnha eländpunktad oliba tetabad 18. voz'sadaspäi kuti Kamenk (ven.: Каменка) i Novotroickii pramozl-žilo (ven.: село Новотроицкий промысел) samha kuldad. Vl 1938 ühtištadihe žilod lähižidenke koumenke külänke (Kamenk, Golgotai, Kokui) i Novogeorgijevskai-stanicanke da anttihe lidnan statusad agjan alištusenke. Sil-žo aigal nimitihe ut lidnad nügüdläižikš, sijaližen Kuldaine mägut-sarikon edeline Balein sarik-nimi libub dauran balei-sanaspäi «pühä sija».

Vll 1947−1953 kävutihe türmatud mehiden töid ümbriradamha ut sur'kulud löudmižsijad. Vl 1997 lopihe kuldan samišt, vl 2004 projektiruiškanzihe ut samišt. Vl 2008 ühtištadihe lidnümbrikod rajonanke. Vl 2022 kuldan samine om lidnan elon aluseks.

Geografijan andmused

Lidn sijadase Und-jogen oiktal randal (ven.: Унда́ 273 km pitte, Amuran bassein), Borščovočnii-mägisel'gan suvipautkidenno, 620 m ü.m.t. keskmäižel korktusel.

Matkad Čithasai om 222 km päivlaskmha orhal vai 337 km avtotedme. Lähembaižed lidnad oma Šilk 52 km lodeheze orhal vai 104 km avtotedme i Nerčinsk 44 km pohjoižhe orhal vai 71 km avtol.

Tobmuz

Balei om lidnankundan üks'jäižeks eländpunktaks.

Lidnankundan tobmuden pämez' om sen Administracijan pämez'. Edeline lidnan Administracijan pämez' om Leonid Zaveruha (reduku 2016 — reduku 2023). Lidnan Nevondkundan ezimez' om Aleksandr Motorin vn 2008 tal'vkuspäi.

Eläjad

Vn 2010 Venäman rahvahanlugemižen mödhe lidnan eläjiden lugu oli 12 533 ristitud, rajonan koume videndest. Kaik 11 370 eläjad oli lidnas vl 2017. Kaikiš suremb lidnan ristitišt oli 31 200 eläjad vl 1939, vhesai 1987 se vajehtihe 25..28 tuhad ristituid röunoiš.

Ortodoksižen hristanuskondan Luka Evangelijantedajan jumalanpert' om letud vodele 2013.

Lapsiden opendusen aluzkundad oma koume päivkodid (nomer 10, 12, 14), augškol (nomer 3), aluzškol (nomer 4), koume keskškolad (nomer 5, 6, 14), čomamahtoiden škol, lapsiden da norišton sportškol. Čitan pedagogižen i medicinižen kolledžiden filialad oma lidnan professionaližen opendusen aluzkundoikš.

Irdkosketused

• Lidnan tobmuden aluzkundoiden oficialine sait (городбалей.рф). (ven.)