Beslan (ven.: Бесла́н, oset.: Беслæн) om Venäman lidn da lidnankund Pohjoižosetijan — Alanijan Tazovaldkundan päivnouzmas. Se om tazovaldkundan koumanz' lidn eläjiden lugun mödhe, Oigedrandaližen rajonan administrativine keskuz.

Beslan
Беслан (ven.)
Беслæн (oset.)
Lidnanznam
CoatofarmsofBeslan2020.png
Valdkund Venäma
Eläjiden lugu (2022) 37,319 ristitud
Pind 23,17 km²
Beslan Беслан (ven.) Беслæн (oset.)
Pämez' Vadim Tatarov
(viluku 2020—)
Telefonkod +7−86 737-xx-xxx
Avtokod 15
Aigvö UTC+3 (MSK+0)


Lidnan kart (2020)

IstoriiRedigeeri

Eländpunktan aluz om pandud vl 1847 kuti Tulatovo-žilo (ven.: село Тулатово, oset.: Бесланыкау) sijaližen Beslan Tulatov-manpidajan mödhe. Vl 1941 udesnimitihe Iriston-žiloks. Žilo sai lidnan statusad vl 1950 nügüdläiženke nimenke. Vn 2004 1. päiväl sügüz'kud lidn eli läbi teraktas ühtes lidnan keskškoloišpäi.

Beslan šingotase spirttegimišton koumel tegimel, vodkan koumel tegimel i šampanjvinan tegimel, söndtavaroiden pästandal (leibtegim), sauvondan materialiden (šebin', mecanümbriradai tegim) i tegesiden (savič, raudbetontegesed) edheotandoil, mugažo elektromehanine tegim (transformatorad) i omblendfabrik ratas.

Geografijan andmusedRedigeeri

Lidn sijadase Terekan oiktal randal, 484 m keskmäižel korktusel valdmeren pindan päl. Matkad Vladikavkazhasai om 16 km suvhe-suvipäivnouzmha. Toine lähembaine lidn om Nazran' (Ingušetii) 10 km päivnouzmha.

Beslan om lidnankundan üks'jäine eländpunkt.

EläjadRedigeeri

Vn 2010 kaiken Venäman rahvahanlugemižen mödhe eläjiden lugu oli 36 728 ristitud, rajonan kaks' koumandest. Vspäi 2013 lidnan ristitišt om kaikiš suremb — läz 37 tuh. eläjid (37 400 rist. vl 2021). Vl 2017 lidnan ristitišt oli 37 025 eläjad.

Hristanuskondan seičeme jumalanpertid (viž — ortodoksine[1], kaks' — vižkümnenden päivän jumalankodikund) oma olmas lidnas. Islaman 20. voz'sadan augotišen mečet' om restavriruidud i avaitud tošti vspäi 2011.

Rahvahad (enamba 1% vl 2010, ozutadud rahvahudenke): osetinalaižed — 83,4%, venälaižed — 11,9%, armenijalaižed — 1,3%, toižed rahvahad — 3,4%.

Pohjoižosetijan valdkundaližen torguimiž-ekonomižen kolledžan palakund[2] (edel 2021. vot profškol nomer 8) om lidnan professionaližen opendusen aluzkundaks.

Lidnan Ezitajiden suiman edeline ezimez' (municipaližen ühtnikan pämez') om German Hautov (reduku 2017 — viluku 2020). Edeline lidnan Administracijan pämez' om Stanislav Dzeboev (tal'vku 2017 — kül'mku 2019), nügüdläine om Boris Margiev vn 2020 vilukuspäi.

TransportRedigeeri

Beslan om raudtesol'meks «RostovBaku»-jonol.

Rahvahidenkeskeine civiline Vladikavkaz (Beslan)-lendimport[3] (OGZ / ВЛА / URMO, oset.: Дзæуджыхъæуы аэропорт, 705 tuh. passažiroid vl 2021) sijadase kahtes kilometras päivnouzmha lidnaspäi i 26 km pohjoižhe Vladikavkazaspäi avtoteidme. Sišpäi tehtas reisid Moskvha, Piterihe i Stambulha.

GalereiRedigeeri

HomaičendadRedigeeri

  1. Beslanan pühäpertid sobory.ru-saital. (ven.)
  2. Pohjoižosetijan valdkundaližen torguimiž-ekonomižen kolledžan struktur vtet.ru-saital. (ven.)
  3. Vladikavkaz-lendimportan sait (vladikavkazaero.ru). (ven.)

IrdkosketusedRedigeeri



Pohjoižosetijan — Alanijan Tazovaldkundan lidnad
Alagir | Ardon | Beslan | Digor | Mozdok | Vladikavkaz