Digor (ven.: Дигора, oset.: Дигорæ, sijaline pagin: Дыгурæ) om Venäman lidn da lidnankund Pohjoižosetijan — Alanijan Tazovaldkundan keskuzpalan lodehes. Se om Digoran rajonan administrativine keskuz.

Digor
Дигора (ven.)
Дигорæ (oset.)
Valdkund Venäma
Eläjiden lugu (2018) 10,075 ristitud
Pind 18 km²
Pämez' El'brus Kockiev (2014—)
Telefonkod +7-86 733-xx-xxx
Avtokod 15
Aigvö UTC+3 (MSK+0)

IrdkosketusedRedaktiruida

Eländpunktan aluz om pandud vl 1852 kuti Vol'no-Hristianovskii-aul. Nimitihe sidä möhemba Novohristianovskoje-žiloks i Hristianovskoje-žiloks (sijaline: Киристонгъæу, oset.: Чырыстонхъæу). Vn 1934 1. päiväl sulakud udesnimitihe žilod nügüdläižikš VCIK:an käskön mödhe. Vn 1964 kezal Digor sai lidnan statusad.

Lidn šingotase gofriruindpakuitesen kartonfabrikal i sömtegimišton edheotandoil (leibäntegesed, limonmuiktuz).

Geografijan andmusedRedaktiruida

Lidn sijadase Ursdon-jogen hural randal (sijaline pagin: Уорсдон, Terek-jogen hura ližajogi), 448 m ü.m.t. keskmäižel korktusel. Matkad Vladikavkazhasai om 45 km suvipäivnouzmha orhal vai 51 km avtotedme. Lähembaine lidn om Ardon 12 km päivnouzmha orhal vai avtol.

Digor om lidnankundan üks'jäine eländpunkt.

EläjadRedaktiruida

Vn 2010 kaiken Venäman rahvahanlugemižen mödhe eläjiden lugu oli 10 856 ristitud, rajonan viž ühesandest. Kaikiš suremb ristitišt oli 12 200 eläjad vll 2000−2001. Hristanuskondan Pühän Jumalanmaman Sündundan jumalanpert' om olmas lidnas.

Rahvahad (enamba 0,6% vl 2010, ozutadud rahvahudenke): osetinalaižed — 95,7%, venälaižed — 1,8%, lezginalaižed — 0,6%, toižed rahvahad — 1,9%.

IrdkosketusedRedaktiruida



Pohjoižosetijan — Alanijan Tazovaldkundan lidnad
Alagir | Ardon | Beslan | Digor | Mozdok | Vladikavkaz