Alajärvi

Alajärvi (mugažo suomen i ročin kelil) om Suomenman lidn da lidnankund valdkundan päivlaskmas. Se om Suvipohjanma-agjan seičemenz' lidn kahesaspäi eläjiden lugun mödhe. Om Järviseuru-alaagjan üks'jäižeks lidnaks.

Alajärvi

Lidnanznam
Valdkund	Suomenma
Eläjiden lugu (2020-01-01)	9,550 ristitud
Pind	1,056,75 km²
Pämez'	Vesa Koivunen (2012—)
Telefonkod	+358-
Aigvö	tal'vel UTC+2, kezal UTC+3

Lidnankundan sijaduz agjas i valdkundas (2020)

Istorii

Alajärven erigoittud kundan aluz om pandud vl 1868. Se sai lidnan statusad (suom.: kaupunki) vl 1986. Vspäi 2009 enzne Lehtimäkin municipalitet (oli olmas vspäi 1866) mülüb lidnha.

Alajärvi šingotase sauvondmaterialiden tehmižel (klejatud brus i strubad, alüminiiprofil', ocseiniden panelid), ratud heinän (turbhan) edheotandal i turizmal.

Geografijan andmused

Lidn sijadase agjan pohjoižpäivnouzmas, ühtennimižen järven (11 km²) päivlaskmaižel randal. Kurejogi (suom.: Kurejoki 19 km pitte) lähteb järvespäi lidnan suves, se jokseb lähižennoks Lappajärvennoks (145 km²) kümnes kilometras lodeheze-pohjoižhe lidnaspäi.

Matkad lidnaspäi agjan Seinjogi-keskushesai om 52 km päivlaskmha-suvipäivlaskmha orhal vai 65 km avtotedme. Lähembaine lidn om Lapua 37 km päivlaskmha orhal vai 42 km avtotedme. «Vas — Viitasaari»-avtotekeskust läbitab lidnan keskuzfartaliden pohjošt.

Vl 2018 lidnan ühthine pind oli 1056,75 km², sidä kesken kuivma 1008,83 km², sokaz ma oti 47,92 nellikkilometrad.

Tobmuz

Kaik üks' lidnrajon i 32 küläd mülüdas lidnankundha.

Kalevi Moisio radoi edeližel lidnanpämehel vll 1986−2012.

Eläjad

Vl 1980 kundan territorijan eläjiden lugu oli 11 089 ristitud. Kaikiš suremb lidnankundan ristitišt oli 11 963 eläjad vl 1990. Rahvahantiheduz om 9,49 rist./km² (2019).

Mamankelen mödhe (2016): suomen kel' — 97,9 %, ročin kel' — 0,1 %, toižed keled — 2,0 %.

Galerei

• 
  Lidnan ohjastusen pert' (2018)
• 
  Alajärvin jumalanpert', vn 2018 nägu
• 
  Järviseuru-alaagjan profškolan Alajärvin filial (2015)
• 
  Järviseuru-alaagjan jäpert'kulu Alajärviš (2015)
• 
  Torguindkeskuz vl 2015

Irdkosketused

• Lidnan oficialine sait (alajarvi.fi). (suom.)