Šušt
Šušt (ven.: О́шта) om žilo Vologdan agjan Vitegran rajonas. Mülüb Šuštan küläkundha.
| Valdkund | Venäma |
| Eläjiden lugu (2010) | 1069 ristitud |
| |
| Avtokod | 35 |
| Aigvö | UTC+3 (MSK+0) |
Istorii vajehta
Vozil 1927 (eloku) — 1949 (viluku) žilo oli Šuštan rajonan administrativižeks keskuseks. Vozil 1941−1944 Suomenman sodaväged oliba vaiše nelläs kilometras päivlaskmha žilospäi. Edel 2001. vot venälaine nimituz oli Оштинский погост, sid' ühtištuihe žilod lähižidenke külidenke da nimitihe nügüdläižikš.
Žilo oli Šuštan küläkundan keskuseks vll 2006−2016. Nügüd'aigan Megr-žilo om küläkundan keskuz koumen küläkundan ühtištusen jäl'ghe vl 2016.
Šušt šingotase jondveden pakuitesen edheotandal i pumaterialiden tehmižel parzišpäi.
Geografijan andmused vajehta
Ühtennimine jogi läbitab žilod. Žilo sijadase rajonan päivlaskmas, vides kilometras suvhe Änižen randaspäi, Leningradan agjan röunanno, «Vitegr — Piter»-avtotekeskustal. Matkad Megr-žilhosai om 25 km orhal päivnouzmha vai 27 km avtotedme, lidnanvuiččehe Ust'ka-žilhosai (Leningradan agj) om 19..20 km pohjoižhe orhal i mantedme, Vitegr-rajonkeskushesai om 60 km päivnouzmha, Petroskoihesai — 150 km lodeheze.
Eläjad vajehta
Vl 2002 Venäman rahvahanlugemižen mödhe žilon eläjiden lugu oli 1204 ristitud, heišpäi 94 % kirjutihe venälaižikš. Vodele 2010 ristitišt poleni i oli 1069 eläjad. Vepsläižed elädas žilos mugažo.
Nened aluzkundad oma žilos: keskškol, päivkodi, severz'-se laukoid, sidä kesken zell'lauk.
Homaičendad vajehta
| Šušt Vikiaitas |