Topol'

Kanadine topol' (Populus canadensis)

Valdkund:	Kazmused
Palakund:	Änikkazmused (Magnoliophyta)
Klass:	Kaksidülehtesižed (Dicotyledones)
Kund:	Mal'pigiiänikoižed (Malpighiales)
Sugukund:	Raidaižed (Salicaceae)
Heim:	Topolid

Latinankel'ne nimi

Pópulus L., 1753

Sistematik
Vikierikoiš

Kuvad
Vikiaitas

ITIS 22444

NCBI 3689

Topol' (latin.: Populus) om lehtesižiden puiden heim. Mülüb Raidaižed-sugukundha. Tipine erik om Populus alba. Levitadud erik om Hab (Populus tremula).

Kaik 25..35 erikod om olmas heimos, i enamba 10 erikoidenkeskešt gibridad.

Leviganduz

Topolin kazmused levitadas Kitain subtropižes vönes (topolin eziauguine sündundtahond), Pohjoižen mapoliškon venos vönes (Evrazii, Pohjoižamerik Meksikhasai), üks' Populus ilicifolia-erik kazvab Afrikan päivnouzmas.

Erikoiden tobj pala kazvab jogiden alangištoiš nepstud hüvin pautkidme. Sen ližaks hab (Populus tremula) elänzoitab solmahusid, kazvab dubmecoiden i kuššiden mecoiden sijas. Voib vastata erazlehtesižid topolid (Populus heterophylla) düniden letkil. Ištutadud topol' kazvab mitte taht mahusil. Londuses pu tarbhaičeb mahusen kazvateližust i aeracijad, no seižui sodundad vaste.

Ümbrikirjutand

Järedad pud 40..60 m kortte, tüvi oleleb üht metrad da sen enamba sankte. Kor' i oksad oma hahkad mujul vai hahkanke ližamujunke. Jurišt om madal, levigandeb edahaks kronaspäi.

Topol' sädab ploduid 10..12-voččes igäspäi. Kazvab teravas, eskai pil'düd. Eläb 60..80 vot, sid' koleb senüdespäi.

Kävutand

Ištutadas topolid puhtastamha mahusid i melioracijan täht, üks' 15-vozne topol' purustab 82 m³ vet sezonas. Andab heid'omad mezjäižile.

Cellülozbumagaine i tekstiline tegimištod ottas pun südänt torhudeks. Tehtas sauvondmujuid lehtesišpäi (pakuine) i urbišpäi (ruskedsinine). Ottas pumaterialaks viriden, koveritomiden tegesiden täht, haugoikš, špaloikš.

Valitud erikod

Populus adenopoda — Kitajine hab
Populus alba — Vauged topol' vai Hobedakaz topol'
Populus amurensis — Amuran topol'
Populus angustifolia — Kaidlehtesine topol'
Populus balsamifera — Bal'zamine topol'
Populus x canadensis — Kanadine topol'
Populus x canescens — Hahktui topol'
Populus deltoides — Del'tanvuitte topol'
Populus euphratica — Evfratine topol'
Populus fremontii — Fremontan topol'
Populus grandidentata — Järedpiine topol'
Populus heterophylla — Erazlehtesine topol'
Populus koreana — Korejine topol'
Populus laurifolia — Lavrlehtesine topol'
Populus maximowiczii — Maksimovičun topol'
Populus × moskoviensis — Moskvine topol'
Populus nigra — Must topol' vai Piramidanvuitte topol'
Populus × rasumowskiana — Razumovskijan topol'
Populus × sibirica — Sibirine topol'
Populus sieboldii — Zibol'dan topol'
Populus simonii — Kitajine topol' vai Simonan topol'
Populus suaveolens — Hajukaz topol'
Populus szechuanica — Sičuanine topol'
Populus tremula — Hab
Populus tremuloides — Habanvuitte topol'
Populus tristis — Opalahine topol'
Populus ussuriensis — Ussurine topol'
Populus yunnanensis — Junnanine topol'

Homaičendad

Topol' Vikiaitas